सीधे मुख्य सामग्री पर जाएं

SunAct - Advanced Cancer Therapies ने डॉ. गुप्ते हॉस्पिटल, खार येथे तिसरे प्रगत कर्करोग उपचार केंद्र सुरू केले

मुंबई : SunAct – Advanced Cancer Therapies, ही देशात सर्वात प्रगत आणि नाविन्यपूर्ण कर्करोग उपचार परवडणाऱ्या किमतीत सहज उपलब्ध करून देण्याच्या उद्देशाने डॉ. विजय पाटील आणि डॉ. अशय कारपे यांनी स्थापन केलेली ऑन्कोलॉजी स्टार्ट-अप कंपनी, हिने आज भारतातील आपले तिसरे आणि मुंबईतील पहिले सेंटर खार (पश्चिम) येथील डॉ. गुप्ते सर्जिकल हॉस्पिटलमध्ये सुरू केले आहे. या नव्या सेंटरमध्ये भारतात प्रथमच घनगंभीर ट्युमरसाठी CAR-T उपचार तसेच SunAct द्वारे भारतात प्रथमच सादर होणारे विविध उपचार उपलब्ध असणार आहेत.
हे सेंटर अक्षय तृतीयाच्या शुभमुहूर्तावर डॉ. सुधीर गुप्ते यांच्या हस्ते उद्घाटन करण्यात आले. या कार्यक्रमाला प्रमुख पाहुणे म्हणून डॉ. सुधीर गुप्ते उपस्थित होते. यांच्यासोबत उपस्थित असलेले अन्य मान्यवर म्हणजे, डॉ. (प्रोफ.) विजय पाटील – संस्थापक आणि प्राध्यापक, SunAct – Advanced Cancer Therapies; डॉ. अशय कारपे – सहसंस्थापक, SunAct; कुशाग्र शर्मा – मुख्य कार्यकारी अधिकारी, SunAct; आणि सन्माननीय पाहुणे डॉ. कुमार प्रभाष – प्राध्यापक आणि प्रमुख, मेडिकल ऑन्कोलॉजी विभाग (घनगंभीर ट्युमर), टाटा मेमोरियल हॉस्पिटल, मुंबई.
प्रसिद्ध प्रसूती आणि स्त्रीरोग तज्ज्ञ डॉ. सुधीर गुप्ते म्हणाले, “१९२९ मध्ये एका लहानशा नऊ बेडच्या नर्सिंग होमपासून खारमध्ये सुरू झालेला प्रवास आज SunAct च्या सेंटरमुळे एका नव्या अध्यायात प्रवेश करतोय. आपल्या पूर्वजांच्या आणि समाजाच्या आशीर्वादामुळे ही प्रगती शक्य झाली आहे. SunAct च्या या नव्या केंद्रातून अनेकांना प्रगत कर्करोग उपचार मिळतील, ही माझी खात्री आहे.”
SunAct चे संस्थापक आणि कर्करोग तज्ज्ञ डॉ. विजय पाटील म्हणाले, “या उद्घाटनामागे केवळ वाढ नव्हे, तर कर्करोग उपचारात समानता आणि प्रवेशयोग्यता निर्माण करण्याची चळवळ आहे. SunAct मध्ये आमचा उद्देश असा आहे की भौगोलिक स्थानावरून उपचाराच्या दर्जाचे ठरवले जाणे थांबावे. खारमधील हे केंद्र म्हणजे आमच्या स्वप्नाला प्रत्यक्षात आणण्याचा एक महत्त्वाचा टप्पा आहे – अत्याधुनिक उपचार स्थानिक परिसरात उपलब्ध करून देणे.”
सहसंस्थापक डॉ. अशय कारपे यांनी सांगितले, “SunAct टीमने प्रगत कर्करोग उपचार देण्याचा संकल्प केला आहे. खारमधील हे नवीन केंद्र अधिक रुग्णांपर्यंत पोहोचण्यासाठी एक पाऊल आहे. नवीन उपचार पद्धती, ठोस क्लिनिकल रिसर्च आणि जागतिक कर्करोग संस्थांशी भागीदारीतून, SunAct सामान्य लोकांसाठी हे उपचार अधिक सुलभ करेल.”
SunAct च्या भविष्यातील योजनांबद्दल विचारले असता सीईओ कुशाग्र शर्मा म्हणाले, “आमचा संपूर्ण भारतात, विशेषतः महाराष्ट्रात विस्तार करण्याचा मानस आहे. त्यासाठी आम्ही मार्केटिंग, सोशल मीडियाच्या माध्यमातून तसेच अधिकाधिक डॉक्टरांमध्ये जागरूकता निर्माण करण्यासाठी प्रयत्न करतोय की हे उपचार आता भारतात उपलब्ध आहेत.”
 
राष्ट्रीय स्तरावरील पहिलं:
घनगंभीर ट्युमरसाठी CAR-T सेल थेरपी – आता खारमध्ये
भारतीय ऑन्कोलॉजीमध्ये ऐतिहासिक टप्पा ठरवणाऱ्या या उपक्रमात SunAct चं खारमधील सेंटर हेमॅटोलॉजिकल कर्करोग (जसे लिम्फोमा, ल्यूकेमिया, मायेलोमा) साठीच नव्हे, तर घनगंभीर ट्युमरसाठी भारतात प्रथमच CAR T-cell थेरपी देणार आहे. ही एक क्रांतिकारी उपचार पद्धत याआधी भारतात उपलब्ध नव्हती. या व्यतिरिक्त, हे केंद्र खालील उपचार सुद्धा देईल:
● TCR (टी-सेल रिसेप्टर) थेरपीज
● TIL (ट्युमर-इन्फिल्ट्रेटिंग लिम्फोसाईट) थेरपीज
● गॅमा डेल्टा टी-सेल प्लॅटफॉर्म्स
● जीन थेरपीज
● बोन मॅरो ट्रान्सप्लांटेशन व क्लिनिकल ट्रायल्स
 
दृष्टीकोन आणि प्रभाव
SunAct – Advanced Cancer Therapies चे लक्ष्य असे भविष्य आहे जिथे कोणत्याही ठिकाणी किंवा सामाजिक स्तरावर अवलंबून न राहता प्रत्येकासाठी प्रगत कर्करोग उपचार सहज उपलब्ध असतील. नवीन सेंटर सुरू करून आणि रणनीतिक भागीदाऱ्या करून SunAct देशभरात उपचाराची दरी भरून काढण्याचे कार्य करत आहे.
या उपक्रमांचा उद्देश नाविन्यपूर्ण उपचार आणि तज्ज्ञ सेवेची सुविधा दुर्लक्षित समुदायांपर्यंत पोहोचवणे आणि प्रमुख शहरांच्या पलीकडे एक व्यापक सेवा नेटवर्क उभं करणं आहे.
 
भारतीय ऑन्कोलॉजीमधील महत्वपूर्ण कामगिरी
● 2023 – SunAct – Advanced Cancer Therapies ची स्थापना
● मे–जुलै 2024 – भारतात प्रथमच CAR T-Cell थेरपी: रॅबडोमायोसारकोमा, ओव्हरियन, हेड & नेक, इसोफेगल कॅन्सरसाठी
● ऑगस्ट 2024 – TP53 म्युटेशनसाठी पहिली TCR थेरपी (कोलांजिओकार्सिनोमा), स्मॉल सेल लंग कॅन्सरसाठी पहिली CAR T-Cell
● सप्टेंबर 2024 – KRAS TCR & HER2+ CAR-T थेरपी: गॅस्ट्रिक, कोलोरेक्टल, आणि सलायवारी ग्लॅंड कॅन्सरसाठी
● ऑक्टोबर 2024 – पहिली बायस्पेसिफिक CS1-BCMA CAR-T: (रिलॅप्स/रिफ्रॅक्टरी मल्टिपल मायेलोमा), TP53 & APC टार्गेट करणारी पहिली बायस्पेसिफिक TCR (कोलोरेक्टल कॅन्सर)
● नोव्हेंबर 2024 – क्लॉडिन 18.2 CAR-T थेरपी: पॅन्क्रिएटिक कॅन्सरसाठी
● जानेवारी 2025 – ग्लायोब्लास्टोमा मल्टिफॉर्मे (GBM) साठी पहिली CAR-T थेरपी
● फेब्रुवारी 2025 – ड्युअल CD19/CD20 CAR-T थेरपी: डिफ्यूज लार्ज बी-सेल लिम्फोमा (DLBCL) साठी
 
SunAct – Advanced Cancer Therapies विषयी
SunAct – Advanced Cancer Therapies ही भारतातील आघाडीची संशोधन-आधारित ऑन्कोलॉजी नेटवर्क आहे. ही संस्था सेल आणि जीन थेरपीज (CGT) क्षेत्रात, घनगंभीर तसेच हेमॅटोलॉजिकल कॅन्सर साठी कार्यरत आहे. प्रगत क्लिनिशियन-सायंटिस्ट्सच्या नेतृत्वाखाली SunAct, ट्रान्सलेशनल रिसर्च, बायोमॅन्युफॅक्चरिंग आणि प्रिसिजन डायग्नॉस्टिक्स यांचा एकत्रित वापर करून वैयक्तिकृत आणि भविष्याभिमुख उपचार प्रणाली तयार करते.

वेबसाइट: www.sunactcancer.com
 

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

लिटल एंजल्स इंग्लिश स्कूलच्या वार्षिक समारंभात डॉ. संजय शाह आणि डॉ. अल्पा शाह यांनी विद्यार्थ्यांचा उत्साह वाढवला

प्रतिभा, यश आणि सांस्कृतिक सादरीकरणांनी सजला संस्मरणीय वार्षिक समारंभ मुंबई। मालाड पूर्व येथील लिटल एंजल्स इंग्लिश स्कूल आणि लिटल एंजल्स अकॅडमीचा वार्षिक समारंभ गोरेगाव पूर्व येथील नंदादीप विद्यालय मराठी स्कूल, जयप्रकाश नगर, कलानगर येथे उत्साहात पार पडला. या प्रसंगी ज्वेल मेकर वेल्फेअर असोसिएशनचे अध्यक्ष डॉ. संजय जीवनलाल शाह आणि जैन अल्पसंख्याक सेवा संस्थानच्या उपाध्यक्षा डॉ. अल्पा संजय शाह प्रमुख पाहुणे म्हणून उपस्थित होते. शाळा परिवारातर्फे दोन्ही प्रमुख पाहुण्यांचे आत्मीय स्वागत व सत्कार करण्यात आला. वार्षिक समारंभात विद्यार्थ्यांनी नृत्य, संगीत, नाट्य तसेच विविध सांस्कृतिक कार्यक्रमांद्वारे आपली प्रतिभा, सर्जनशीलता आणि आत्मविश्वासाचे सुंदर प्रदर्शन केले. विद्यार्थ्यांच्या मनमोहक सादरीकरणांना उपस्थित पालक, शिक्षक आणि पाहुण्यांनी उत्स्फूर्त दाद दिली. प्रमुख पाहुणे डॉ. संजय जीवनलाल शाह यांनी विद्यार्थ्यांना संबोधित करताना सांगितले की, शिक्षणाचा उद्देश केवळ चांगले गुण मिळवणे नसून विद्यार्थ्यांच्या व्यक्तिमत्त्वाचा सर्वांगीण विकास करणे हा आहे. शिक्षणासोबत संस्कार, शिस्त, ...
एक टिप्पणी भेजें
Read more »

तिहार जेलमध्ये ‘तिहार स्किल टॅलेंट हंट-2026’चा भव्य ग्रँड फिनाले

गायन, नृत्य, संगीत, चित्रकला, कविता आणि अभिनयातून बंद्यांनी दाखवली आपली प्रतिभा नवी दिल्ली। दिल्ली कारागृह प्रशासन आणि आर्ट क्रिएशन्स कल्चरल सोसायटी या स्वयंसेवी संस्थेच्या संयुक्त विद्यमाने 25 सप्टेंबर रोजी सेंट्रल जेल क्रमांक 8/9, तिहार येथे ‘ तिहार स्किल टॅलेंट हंट-2026’ चा भव्य ग्रँड फिनाले आयोजित करण्यात आला. या उपक्रमाचा उद्देश तिहार कारागृहातील बंद्यांमध्ये दडलेल्या कलागुणांना व्यासपीठ उपलब्ध करून देणे तसेच कौशल्य विकासाच्या माध्यमातून त्यांना समाजाच्या मुख्य प्रवाहाशी जोडणे हा होता. या कार्यक्रमातून “प्रतिभेला पंख, कौशल्यातून ओळख आणि भविष्यासाठी नवी ओळख” असा प्रेरणादायी संदेश देण्यात आला. सुमारे 11 दिवस चाललेल्या या टॅलेंट हंटमध्ये बंद्यांनी गायन, नृत्य, वाद्यसंगीत, चित्रकला, कविता सादरीकरण आणि अभिनय अशा विविध क्षेत्रांत आपली कला सादर केली. विविध प्रकारांमध्ये उत्कृष्ट कामगिरी करणाऱ्या सहभागींची विजेते म्हणून निवड करण्यात आली. सहभागींच्या कलागुणांचे परीक्षण आणि मार्गदर्शन करण्यासाठी प्रसिद्ध पंजाबी पॉप गायक भूपिंदर सिंह भूपी, पार्श्वगायक दीपक राणा, गायिका खुशबू लता...
एक टिप्पणी भेजें
Read more »

किआ इंडियाचा विक्रीत नवा उच्चांक

    ४१% वाढीसह सप्टेंबरमध्ये ३२,०१७ वाहनांची विक्री  मुंबई। किया इंडिया या देशातील आघाडीच्या मास-प्रीमियम ऑटोमेकर कंपनीने सप्टेंबर २०२६ मध्ये ३२,०१७ युनिट्सच्या घाऊक विक्रीसह भारतातील बाजारपेठेत प्रवेश केल्यापासून आतापर्यंतच्या सर्वोच्च मासिक विक्रीची नोंद केली. या विक्रीमध्ये सप्टेंबर २०२५ मध्ये झालेल्या २२,७०० युनिट्सच्या तुलनेत वार्षिक आधारावर ४१ टक्‍के वाढ झाली. ही ऐतिहासिक कामगिरी किया इंडियाच्या वाटचालीतील महत्त्वपूर्ण टप्पा ठरली आहे, तसेच ब्रँडवरील आणि त्यांच्या विस्तारत जाणाऱ्या उत्पादन पोर्टफोलिओवरील ग्राहकांचा सातत्यपूर्ण विश्वास दर्शवते. कंपनीने २०२६ च्या तिसऱ्या तिमाहीत देखील ही गती कायम राखत ८९,२५९ युनिट्सची विक्री नोंदवली, ज्यामध्ये २०२५ च्या तिसऱ्या तिमाहीतील ६४,४४३ युनिट्सच्या तुलनेत ३८.५ टक्‍के वाढ झाली. जानेवारी ते सप्टेंबर २०२६ या कालावधीत किया इंडियाची एकत्रित विक्री २,५३,००८ युनिट्सवर पोहोचली आहे, गेल्या वर्षी याच कालावधीत नोंदवलेल्या २,०६,५८२ युनिट्सच्या तुलनेत यात २२.५ टक्‍के वाढ झाली आहे. या सातत्यपूर्ण कामगिरीमधून ब्रँडवरील वाढता ग्रा...
एक टिप्पणी भेजें
Read more »