मुंबई: भारतातील अग्रगण्य तंत्रज्ञान आणि एआय-सक्षम होम इंटिरिअर्स ब्रँड ' होमलेन 'ने चेंबूर येथे आपल्या नवीन एक्स्पिरियन्स सेंटरच्या शुभारंभाची घोषणा केली आहे. मुंबईतील हे कंपनीचे चौथे एक्स्पिरियन्स सेंटर असून शहराच्या पूर्व उपनगरांमध्ये आपली किरकोळ उपस्थिती अधिक व्यापक करण्याच्या दृष्टीने हे महत्त्वाचे पाऊल आहे. ६०० चौरस फूट क्षेत्रफळात पसरलेला हा नवीन स्टुडिओ आर्किटेक्ट नम्रता हेगडे यांच्यासोबत भागीदारीत फ्रेंचायजी-ओन्ड, फ्रेंचायजी-ऑपरेटेड मॉडेल अंतर्गत (एफओएफओ) सुरू करण्यात आला आहे. हा स्टुडिओ स्थानिक घरमालकांना ३डी व्हिज्युअलायझेशन, पारदर्शक किंमतरचना आणि ४५ दिवसांत प्रकल्प पूर्ण करण्याच्या हमीसह एंड-टू-एंड इंटिरिअर डिझाइन सेवा प्रदान करेल. या केंद्राचे औपचारिक उद्घाटन महाराष्ट्र शासनाचे माजी गृहराज्यमंत्री कृपाशंकर सिंह यांच्या हस्ते प्रमुख पाहुणे म्हणून संपन्न झाले. या सोहळ्याला अणुशक्तीनगर विधानसभा मतदारसंघाच्या आमदार सना मलिक शेख आणि शिवसेना (उद्धव बाळासाहेब ठाकरे) पक्षाचे माजी राष्ट्रीय प्रवक्ते आनंद दुबे हे मान्यवर पाहुणे म्हणून उपस्थित होते. याशिवाय महारा...
८,५०० आदिवासी बांधवांना आणि भक्तांना न्याहारी व अन्न वाटपाची उत्कृष्ट सेवा नाशिक: नाशिक येथे आयोजित सिंहस्थ महाकुंभमेळ्याच्या ध्वजारोहण सोहळ्याच्या आणि महागोदावरी आरतीच्या शुभप्रसंगी, भारताच्या राष्ट्रपती श्रीमती द्रौपदी मुर्मू यांच्या शुभहस्ते ध्वजारोहण करण्यात आले. या ऐतिहासिक सोहळ्याने सिंहस्थ महाकुंभमेळ्याचा प्रारंभ झाला. नाशिक जिल्ह्यातील विविध दुर्गम भागांतील सुमारे ८,५०० आदिवासी बांधव आणि भक्त या शुभप्रसंगी उपस्थित होते. या ऐतिहासिक प्रसंगी उपस्थित असलेल्या सर्व आदिवासी बांधवांना आणि भक्तांना न्याहारी व भोजन वाटपाची महत्त्वपूर्ण सेवा, मानव धर्माचे संस्थापक सद्गुरुदेव सतपाल महाराज यांच्या प्रेरणेने चालणाऱ्या मानव उत्थान सेवा समिती, नाशिक शाखेने उत्कृष्ट आयोजन, समर्पण आणि शिस्तीने पार पाडली. या सेवेच्या यशस्वी आयोजनासाठी समितीने विशेष व्यवस्था आणि व्यापक तयारी केली होती. सद्गुरुदेव सतपाल महाराजांचे शिष्य, महात्मा अंबालिका बाईजी, महात्मा आचार्यनंदजी, महात्मा ललिता बाईजी, महात्मा कल्पना बाईजी, महात्मा धर्मवती बाईजी, महात्मा प्राची बाईजी आणि उपस्थित सर्व संत व ऋषीमुनींच्य...