अकुम्सतर्फे आर्थिक वर्ष २०२७ च्या पहिल्या तिमाहीत उत्कृष्ट कामगिरीची नोंद; उत्पन्नात वार्षिक १४.९ टक्के वाढ

मुंबई: भारतातील सर्वात मोठी कंत्राटी विकास आणि निर्मिती संस्था (सीडीएमओ) असलेल्या 'अकुम्स ड्रग्ज अँड फार्मास्युटिकल्स लिमिटेड'ने ३० जून २०२६ रोजी संपलेल्या तिमाहीचे एकत्रित आर्थिक निकाल जाहीर केले असून, आर्थिक वर्ष २०२७ ची दमदार सुरुवात केली आहे. कंत्राटी निर्मिती व्यवसायातील सातत्यपूर्ण गती, सुधारलेली कार्यक्षमता आणि ग्राहकांकडून असलेली मजबूत मागणी याच्या बळावर कंपनीने महसूल, महसुली नफा आणि निव्वळ नफ्यात उत्तम वाढ नोंदवली आहे.

अकुम्सने आर्थिक वर्ष २०२७ च्या पहिल्या तिमाहीत १,१६७ कोटी रुपयांचा महसूल नोंदवला आहे, जो आर्थिक वर्ष २०२६ च्या पहिल्या तिमाहीतील १,०२४ कोटी रुपयांच्या तुलनेत १३.९ टक्के जास्त आहे. व्याज, कर आणि घसारापूर्व नफा वार्षिक ३५.४ टक्क्यांनी वाढून१७५ कोटी रुपयांवर गेला आहे. तर नफ्याचे प्रमाण १२.६ टक्क्यांवरून १५.० टक्क्यांपर्यंत सुधारले आहे. करोत्तर नफा १०१ कोटी रुपये झाला आहे. गेल्या वर्षाच्या याच तिमाहीत ६५ कोटी रुपयांचा नफा झाला होता. निव्वळ नफ्याचे प्रमाणही ६.२ टक्क्यांवरून वरून ८.४ टक्क्यांवर पोहोचले आहे.

या तिमाहीत कंत्राटी निर्मिती व्यवसाय हा वाढीचा मुख्य चालक राहिला. कंत्राटी निर्मिती व्यवसायातील महसूल ९६४ रुपयांपर्यंत वाढला. गेल्या वर्षी याच तिमाहीत ८१३ कोटी रुपयांचा महसूल मिळाला होता. सातत्यपूर्ण उत्पादन वाढ आणि औषधी घटकांच्या किमतीतील सुधारणेमुळे या विभागाचा घसारापूर्व नफा ११९ कोटींवरून ३६.८ टक्क्यांनी  वाढून १६३ कोटी रुपयांवर पोहोचला.

निकालांवर भाष्य करताना व्यवस्थापकीय संचालक संजीव जैन म्हणाले, "आर्थिक वर्ष २०२७ ची सुरुवात अत्यंत मजबूत आणि उत्साहवर्धक झाली आहे. कंत्राटी निर्मिती व्यवसायातील सातत्यपूर्ण कामगिरी ही बाजारातील उत्तम मागणी तसेच अकुम्सवर आमच्या ग्राहकांनी पसंतचा निर्मिती भागीदार म्हणून दाखवलेला विश्वास दर्शवते."

व्यवस्थापकीय संचालक संदीप जैन पुढे म्हणाले, "कंत्राटी निर्मिती क्षेत्रातील आमचे नेतृत्व अधिक मजबूत करणे, उच्च मूल्याच्या क्षमतेचा विस्तार करणे आणि कार्यक्षमतेत उत्कृष्टता आणणे यावर आमचा भर कायम आहे. भक्कम भविष्यकालीन नियोजन आणि योग्य भांडवल वितरणाच्या जोरावर आगामी वर्षांत शाश्वत वाढ साध्य करण्यासाठी आम्ही पूर्णपणे सज्ज आहोत."