मुंबई। इनाल्सा या टॉरस ग्रुप अंतर्गत भारतातील आघाडीच्या किचन अप्लायन्स ब्रँडने ट्रायटन ९०० मिक्सर ग्राइंडर आणि फूड प्रोसेसर लाँच करून आपल्या अप्लायन्स पोर्टफोलिओचा विस्तार केला आहे. विशेषतः हेवी-ड्युटी भारतीय स्वयंपाकासाठी डिझाइन केलेल्या या अप्लायन्समध्ये ९०० वॅट १०० टक्के कॉपरने (तांबे) गुंडाळलेली मोटर आहे, ज्याला उद्योगातील आघाडीची ७ वर्षांची मोटर वॉरंटी दिली आहे.
जास्त भाराच्या कामांसाठी डिझाइन केलेले ट्रायटन ९०० सतत ४५ मिनिटांपर्यंत ग्राइंडिंगचे काम करू शकते. हे टणक मसाले सुके बारीक करणे, इडलीचे घट्ट पीठ तयार करणे आणि भिजवलेला तांदूळ अधिक ताण न आणता किंवा जास्त गरम न होता बारीक करण्यासारखी आवश्यक स्वयंपाकाची कामे हाताळते. कॉपरची उत्कृष्ट थर्मल गतीशीलता दीर्घकाळापर्यंत कार्यरत राहण्यासाठी अंतर्गत मोटरची झीज कमी करते.
किचनच्या ओट्यावरील जागेची मर्यादा लक्षात घेऊन ट्रायटन ९०० मुख्य मोटराइज्ड बेसवर १.५-लिटरचे फूड प्रोसेसिंग अटॅचमेंट जोडते. हे बहुउद्देशीय युनिट गृहिणींना एकाच अप्लायन्सद्वारे पीठ मळणे, बारीक करणे, काप करणे, किसणे, फेटणे आणि रस काढणे या सुविधा देते, ज्यामुळे स्वतंत्र फूड प्रोसेसरची आवश्यकता भासत नाही.
या लाँचबाबत मत व्यक्त करत इनाल्साचे सीईओ जितेंद्र चौहान म्हणाले, ''आम्ही मिक्सर ग्राइंडरचा नव्याने शोध घेण्याचा प्रयत्‍न केला नाही, तर प्रत्यक्ष बिघडणारा भाग म्हणजेच मोटर दुरुस्त करण्याचा निर्धार केला. बहुतांश ब्रँड्स वापरत असलेल्या अॅल्युमिनियम किंवा हायब्रिड मोटरपेक्षा कॉपर मोटरचा खर्च जास्त असतो, पण कॉपर मोटर कमी तापते आणि जास्त काळ टिकते. म्हणून, आम्ही ट्रायटन ९०० च्या मोटरला सात वर्षांची वॉरंटी देत आहोत, जे या सेगमेंटमध्ये सामान्य नाही. फूड प्रोसेसिंगच्या बाबतीत, आमच्याकडे बाजारपेठेत आधीच फूड प्रोसेसरची पूर्ण श्रेणी उपलब्ध आहे, पण अनेक कुटुंबांनी आम्हाला सांगितले की, केवळ पीठ मळण्यासाठी किंवा भाज्या कापण्यासाठी त्यांची वेगळे मशीन खरेदी करून ठेवण्याची इच्छा नाही. ट्रायटन ९०० हे त्याच किचनसाठी बनवले गेले आहे, जे एकच अप्लायन्स योग्य प्रकारे बारीक करण्याचे काम करते आणि अतिरिक्त जागेची मागणी न करता फूड प्रोसेसिंगची काही कामे देखील हाताळते.''
ट्रायटन ९०० च्या केंद्रस्थानी ९००-वॅटची मोटर आहे, ज्यामध्ये १०० टक्के कॉपर वाइंडिंग आणि कॉपर-सिंटर्ड बुश दिलेले आहेत, जे जास्त भाराखाली देखील सतत ४५ मिनिटांपर्यंत कार्यरत राहण्यासाठी डिझाइन केलेले आहेत. वापरकर्ते समर्पित पल्स फंक्शनसह दिलेल्या ३-स्पीड अॅडजस्टेबल डायलचा वापर करून गती आणि पोत सहजपणे नियंत्रित करू शकतात. मानक ग्राइंडिंग आणि ब्लेंडिंगसाठी हे युनिट तीन हेव्ही-ड्यूटी स्टेनलेस स्टील जारने सुसज्ज आहे: १.६-लिटर लिक्विडायझिंग जार, १.२-लिटर बहुउद्देशीय जार आणि ०.५-लिटर चटणी जार. रोजच्या सुरक्षित वापरासाठी प्रत्येक जारमध्ये सुरक्षित, क्लिप-ऑन लॉकिंग झाकणांसह पारदर्शक पॉलिकार्बोनेट डोम कव्हर दिलेले आहेत.
वैविध्‍यपूर्ण उपयुक्तता वाढवत, या अप्लायन्समध्ये १.५-लिटर फूड प्रोसेसिंग अटॅचमेंट समाविष्ट आहे, जे थेट मुख्य मोटर बेसला जोडले जाते. हे अटॅचमेंट ट्विन चॉपिंग ब्लेड, आटा नीडर (पीठ मळणी ब्लेड), व्हिस्कींग डिस्क, सायट्रस ज्युसर व स्लायसिंग, बारीक किसणे, मोठे किसणे आणि फ्रेंच फ्राईज कापण्यासाठी चार स्टेनलेस स्टील डिस्क ब्लेड्सने सुसज्ज आहे. बाहेरील बॉडी स्टायलिश क्रोम फिनिश रिंगसह टिकाऊ एबीएस साहित्यापासून बनवलेली आहे, ज्यामध्ये पॉवर एलईडी इंडिकेटर आहे आणि पूर्णपणे अधिकृत आयएसआय प्रमाणित आहे.
इनाल्सा ट्रायटन ९०० मिक्सर ग्राइंडर आणि फूड प्रोसेसरची एमआरपी १४,९९९ रुपये आहे आणि सध्या ८,४९५ रुपयांच्या विशेष ऑफर किमतीत उपलब्ध आहे. हे उत्पादन ७ वर्षांच्या मोटर वॉरंटीसोबत २ वर्षांच्या पूर्ण उत्पादन वॉरंटीसह येते. हे उत्पादन भारतातील प्रमुख स्टोअर्स आणि ऑनलाइन शॉपिंग साइट्सवर उपलब्ध आहे.
टिप्पणियाँ
एक टिप्पणी भेजें