४१% वाढीसह सप्टेंबरमध्ये ३२,०१७ वाहनांची विक्री
मुंबई। किया इंडिया या देशातील आघाडीच्या मास-प्रीमियम ऑटोमेकर कंपनीने सप्टेंबर २०२६ मध्ये ३२,०१७ युनिट्सच्या घाऊक विक्रीसह भारतातील बाजारपेठेत प्रवेश केल्यापासून आतापर्यंतच्या सर्वोच्च मासिक विक्रीची नोंद केली. या विक्रीमध्ये सप्टेंबर २०२५ मध्ये झालेल्या २२,७०० युनिट्सच्या तुलनेत वार्षिक आधारावर ४१ टक्‍के वाढ झाली. ही ऐतिहासिक कामगिरी किया इंडियाच्या वाटचालीतील महत्त्वपूर्ण टप्पा ठरली आहे, तसेच ब्रँडवरील आणि त्यांच्या विस्तारत जाणाऱ्या उत्पादन पोर्टफोलिओवरील ग्राहकांचा सातत्यपूर्ण विश्वास दर्शवते.
कंपनीने २०२६ च्या तिसऱ्या तिमाहीत देखील ही गती कायम राखत ८९,२५९ युनिट्सची विक्री नोंदवली, ज्यामध्ये २०२५ च्या तिसऱ्या तिमाहीतील ६४,४४३ युनिट्सच्या तुलनेत ३८.५ टक्‍के वाढ झाली.
जानेवारी ते सप्टेंबर २०२६ या कालावधीत किया इंडियाची एकत्रित विक्री २,५३,००८ युनिट्सवर पोहोचली आहे, गेल्या वर्षी याच कालावधीत नोंदवलेल्या २,०६,५८२ युनिट्सच्या तुलनेत यात २२.५ टक्‍के वाढ झाली आहे. या सातत्यपूर्ण कामगिरीमधून ब्रँडवरील वाढता ग्राहक विश्वास आणि त्यांच्या विकसित होत जाणाऱ्या उत्पादन पोर्टफोलिओचे महत्त्व दिसून येते.
विक्रीची ही गती प्रामुख्याने सेल्टोस आणि सोनेटच्या नेतृत्वाखाली सुरू राहिली आहे. या दोन्ही मॉडेल्सनी आपापल्या विभागांमध्ये प्रबळ मागणी कायम ठेवली आहे. सेल्टोसने जानेवारीमध्ये लाँच झाल्यापासून दरमहा सरासरी १०,००० हून अधिक युनिट्सची सातत्यपूर्ण विक्री नोंदवली आहे, तर सोनेट सब-कॉम्पॅक्ट एसयूव्ही विभागात सातत्याने उत्तम कामगिरी करत आहे. कॅरेन्स, कॅरेन्स क्लॅव्हिस आणि क्लॅव्हिस ईव्ही फॅमिली मोबिलिटी क्षेत्रात किया इंडियाची उपस्थिती अधिक दृढ करतात, ज्यामुळे ग्राहकांना आयसीई आणि इलेक्ट्रिक पॉवरट्रेन्समध्ये अधिक पर्याय उपलब्ध होतात.
या विस्तारत जाणाऱ्या पोर्टफोलिओमध्ये, सिरॉस ईव्हीने सातत्याने प्रबळ मागणीची गती कायम ठेवली आहे, ज्यामधून सुलभ आणि वैशिष्ट्यपूर्ण इलेक्ट्रिक मोबिलिटीमधील ग्राहकांची वाढती पसंती दिसून येते. हे मॉडेल दैनंदिन वापराच्या विविध गरजा पूर्ण करत किया इंडियाच्या ईव्ही पर्यायांचा आणखी विस्तार करते.
दरम्यान, भारतात डिझेल आणि हायब्रिड पॉवरट्रेन पर्यायांसह लाँच करण्यात आलेल्या नवीन किया सोरेंटोला ग्राहकांकडून उत्साहवर्धक प्रतिसाद मिळाला आहे. नुकतेच लाँच झालेल्या कॅरेन्स सीएनजी आणि कॅरेन्स क्लॅव्हिस सीएनजीसोबत ही हायब्रिड पॉवरट्रेन जोडून पारंपरिक पेट्रोल आणि डिझेल, सीएनजी, हायब्रिड आणि इलेक्ट्रिक अशा सर्व पर्यायांमध्ये ग्राहकांना अधिक पर्याय उपलब्ध करून देत सोरेंटोने किया इंडियाच्या मल्टी-पॉवरट्रेन धोरणातील महत्त्वाचा टप्पा गाठला आहे. हा वैविध्यपूर्ण दृष्टिकोन किया इंडियाला दैनंदिन प्रवासापासून कौटुंबिक प्रवास आणि प्रीमियम, लांब पल्ल्याच्या प्रवासापर्यंत गतीशीलताविषयक गरजांची विस्तृत श्रेणी पूर्ण करण्यास सक्षम करतो.
इलेक्ट्रिक मोबिलिटीच्या वाढत्या प्रसाराला पाठबळ देत किया इंडियाच्या ईव्ही पोर्टफोलिओला अॅश्युअर्ड बायबॅक प्रोग्रॅम, बॅटरी-अॅज-अ-सर्व्हिस (बीएएएस) आणि लाइफटाइम हाय व्होल्टेज बॅटरी वॉरंटीच्या माध्यमातून खरेदी खर्च, दीर्घकालीन बॅटरी विश्वासार्हता आणि पुनर्विक्री मूल्याबाबत ग्राहकांच्या प्रमुख चिंतांचे निरसन करणाऱ्या मालकीहक्‍क प्रस्तावाचे प्रबळ पाठबळ मिळाले आहे.
या कामगिरीबाबत मत व्यक्त करत किया इंडियाचे सेल्स अँड मार्केटिंगचे सीनियर व्हाइस प्रेसिडेंट अतुल सूद म्हणाले, "सप्टेंबरमधील आणि संपूर्ण तिसऱ्या तिमाहीतील आमच्या उत्तम कामगिरीमधून ग्राहकांचा सातत्यपूर्ण विश्वास आणि कियाचा विस्तारत जाणारा पोर्टफोलिओ दिसून येतो. सेल्टोस आणि सोनेट आमच्या वाढीतील मुख्य योगदानकर्ते राहिले आहेत, तर सोरेंटो आणि सिरॉस ईव्हीला मिळालेला उत्स्फूर्त प्रतिसाद ग्राहकांच्या बदलत्या आकांक्षांनुसार नवीन विभागांमध्ये आणि पॉवरट्रेन श्रेणींमध्ये विस्तार करण्याच्या आमच्या धोरणाला दुजोरा देतो. गतीशीलताविषयक गरजा अधिकाधिक वैविध्यपूर्ण होत असताना आम्ही ग्राहकांच्या प्रत्यक्ष गरजा पूर्ण करणाऱ्या मालकीहक्‍क सोल्यूशन्सच्या पाठबळासह समकालीन, सीएनजी, हायब्रिड आणि इलेक्ट्रिक पॉवरट्रेन्समध्ये अर्थपूर्ण पर्याय देण्यावर लक्ष केंद्रित करत आहोत. आम्ही भारतातील ग्राहकांच्या गरजांनुसार डिझाइन केलेली वैशिष्ट्यपूर्ण उत्पादने, प्रगत तंत्रज्ञान आणि वेगळे अनुभव यांद्वारे ही गती पुढे नेण्यासाठी कटिबद्ध आहोत."
टिप्पणियाँ
एक टिप्पणी भेजें