मुंबई। टाटा.कार्स या भारतातील आघाडीच्या एसयूव्ही उत्पादक कंपनीने टाटा सिएरा डार्क श्रेणीच्या लाँचची घोषणा केली. हा भारतातील आयकॉनिक प्रीमियम मिड-एसयूव्हीचा एक अधिक ठळक आणि वैशिष्ट्यपूर्ण लुक आहे. १३.९९ लाख रुपये* या सुरुवातीच्या किमतीत उपलब्ध असलेल्‍या सिएरा डार्कमध्ये खास तयार केलेल्या फ्रीसियन ब्लॅक एक्सटीरियरसह प्रीमियम व्हायलेट एक्लिप्स इंटिरियर केबिन थीम आणि आकर्षक पर्पल क्रोम डिटेलिंग आहे. हे डिझाइन सिएराची वैशिष्ट्यपूर्ण आणि आलिशान ओळख कायम ठेवत या वेईकलला वेगळा, आकर्षक लूक प्रदान करते.
भारतातील प्रीमियम मिड-एसयूव्ही सेगमेंट निर्माण करण्यात सिएराचा मोलाचा वाटा राहिला आहे. हीच परंपरा पुढे नेत टाटा सिएरा डार्क या लेजेंडरी (प्रसिद्ध) ब्रँडला पूर्वीपेक्षा अधिक प्रीमियम, अत्याधुनिक आणि अद्वितीय उंचीवर घेऊन जाते. सिएराची मूळ आयकॉनिक ओळख, रस्त्यावरील रुबाबदार उपस्थिती आणि सर्वसमावेशक आधुनिक वैशिष्टये कायम ठेवत ही वेईकल टाटा.कार्स च्या अत्यंत लोकप्रिय डार्क श्रेणीचा वारसाही पुढे नेते. ही श्रेणी आकर्षक डिझाइन, वैशिष्ट्यपूर्ण लुक आणि अनोख्या आकर्षणासाठी ग्राहकांच्या पसंतीस उतरली आहे.
टाटा पॅसेंजर इलेक्ट्रिक मोबिलिटी लिमिटेडचे चीफ कमर्शियल ऑफिसर विवेक श्रीवत्स म्हणाले, "डार्क श्रेणी आमच्या पोर्टफोलिओमधील लूकला सर्वाधिक पसंती मिळालेली ठरली आहे. अद्वितीय डिझाइन आणि वैशिष्ट्यपूर्णतेला महत्त्व देणाऱ्या ग्राहकांचे लक्ष वेधून घेतले आहे. भारतात प्रीमियम मिड-एसयूव्ही सेगमेंट निर्माण करणारी वेईकल म्हणून, सिएरा आयकॉनिक डिझाइन आणि रस्त्यावरील रुबाबदार उपस्थितीमुळे नेहमीच वेगळी ठरली आहे. सिएरा डार्क दोन शक्तिशाली आयकॉन्सचा वारसा एकत्र आणते; सिएराला दिग्गज बनवणारे सर्व गुण जपत ही वेईकल अधिक प्रीमियम, अत्याधुनिक आणि खास स्वरूपात सादर करण्यात आली आहे. याचा परिणाम म्हणून समोर आलेली ही सिएरा आपल्या मूळ परंपरेशी पूर्णपणे एकनिष्ठ राहून डार्क श्रेणीला अत्यंत लोकप्रिय बनवणारा आकर्षक आणि वैशिष्ट्यपूर्ण दृष्टिकोन प्रत्यक्षात साकारते."
टिप्पणियाँ
एक टिप्पणी भेजें