डिजिटल क्रेडिटचा अवलंब करण्यात टियर-२ शहरे सर्वात पुढे

५८.६४ च्या सरासरी स्कोअरसह प्रथम व तृतीय श्रेणीच्या शहरांच्या पुढे: डीसीआयआय 

मुंबई। पहले इंडिया फाऊंडेशनने अमेझॉन पे सोबत सहयोगाने आज डिजिटल क्रेडिट अँड इनक्लुजन इंडेक्स (डीसीआयआय) २०२६ लाँच केला. हा देशाच्या डिजिटल कर्जाच्या प्रवासाचे सर्वसमावेशक चित्र प्रदान करणारा भारतातील पहिला एकत्रित बेंचमार्क आहे. ५८.६४ च्या सरासरी स्कोअरसह द्वितीय श्रेणीची शहरे वय, लिंग, उत्पन्न, व्यवसाय आणि शिक्षण या सर्व बाबतीत डिजिटल क्रेडिट समावेशनात आघाडीवर आहेत. या तुलनेत प्रथम श्रेणीच्या शहरांचा स्कोअर ५३.१ आणि तृतीय श्रेणीच्या शहरांचा स्कोअर ५५.७ आहे.

२० राज्यांतील १०० शहरांमधील ५,००० हून अधिक प्रतिसादकांच्या प्राथमिक सर्वेक्षणावर आधारित डीसीआयआय डिजिटल क्रेडिट कोणापर्यंत पोहोचते, व्यक्ती किती सहज आणि वारंवार याचा वापर करतात, ते कर्ज का घेतात, त्यांचा यावर विश्वास आहे का आणि याचा वापर आर्थिक परिणामांसाठी योगदान देतो का, याचे परीक्षण करून भारतातील आर्थिक समावेशन क्षेत्रातील महत्त्वपूर्ण दरी भरून काढतो. हा निर्देशांक केवळ पेमेंटचा वापर किंवा एकत्रित कर्जाचे प्रमाण ट्रॅक करणाऱ्या सध्याच्या मानकांच्या पलीकडे जातो.

अमेझॉन पे इंडियाचे सीईओ विकास बंसल म्हणाले, “भारताच्या जागतिक दर्जाच्या डिजिटल पेमेंट पायाभूत सुविधांनी लाखो व्यक्तींच्या व्यवहार करण्याच्या पद्धतीत बदल घडवून आणला आहे. पुढील पाऊल म्हणजे डिजिटल क्रेडिट तितकेच सुलभ, विश्वासार्ह आणि संबंधित बनवणे आहे. द्वितीय श्रेणीची शहरे डिजिटल क्रेडिट समावेशनात आघाडीवर असल्याचे निष्कर्ष दर्शवतात की, वाढीची पुढील लाट कुठून येऊ शकते. आमचे ७५ टक्के ग्राहक द्वितीय व तृतीय श्रेणीच्या शहरांमध्ये असल्याने, डीसीआयआयमधील माहिती आम्हाला या बाजारपेठांमध्ये अधिक संबंधित क्रेडिट आणि बचत अनुभव तयार करण्यास मदत करेल, तसेच प्रथम श्रेणीच्या शहरांमधील न वापरलेल्या संधींकडे लक्ष देईल. भारत विकसित भारत २०४७ च्या दिशेने वाटचाल करत असताना डिजिटल क्रेडिटचे खऱ्या आर्थिक प्रगतीत रूपांतर होते हे ट्रॅक करण्यास डीसीआयआय मदत करेल.”