मेल्टिंग पॉट फूड प्रॉडक्ट्सने सेलिब्रिटी शेफ हरपाल सिंह सोखी यांची इन्व्हेस्टर आणि ब्रँड अॅम्बेसेडर म्हणून नियुक्ती

मुंबई: नवी मुंबईस्थित एफएमसीजी कंपनी मेल्टिंग पॉट फूड प्रॉडक्ट्स प्रायव्हेट लिमिटेडने अधिकृतपणे जाहीर केले आहे की, भारतातील प्रसिद्ध शेफ, पाककला तज्ज्ञ आणि रेस्टॉरेंटर शेफ हरपाल सिंह सोखी हे कंपनीसोबत इन्व्हेस्टर आणि ब्रँड अॅम्बेसेडर म्हणून जोडले गेले आहेत. ते कंपनीच्या प्रमुख ब्रँड इंची (Inchi)चे ब्रँड अॅम्बेसेडर म्हणूनही काम पाहणार आहेत.

2017 मध्ये स्थापन झालेल्या आणि निखिल भारती, आर. पी. चटर्जी आणि मनीष पार्डीवाला यांच्या नेतृत्वाखाली कार्यरत असलेल्या इंचीने अल्पावधीतच इंडो-चायनीज सेगमेंटमध्ये लोकप्रिय घरगुती ब्रँड म्हणून आपली ओळख निर्माण केली आहे. ब्रँडकडे 100 हून अधिक उत्पादनांचा विस्तृत पोर्टफोलिओ आहे. यामध्ये शेजवान डिप आणि स्प्रेड्स, नूडल्स, सॉसेस, गॉरमे आणि इन्स्टंट सूप्स तसेच खास कुकिंग मसाल्यांचा समावेश आहे. या उत्पादनांमुळे घरच्या घरी रेस्टॉरंटसारख्या इंडो-चायनीज पदार्थांची चव सहज अनुभवता येते.

या धोरणात्मक भागीदारीचे महत्त्व अधोरेखित करताना मेल्टिंग पॉट फूड प्रॉडक्ट्स प्रायव्हेट लिमिटेडचे डायरेक्टर निखिल भारती म्हणाले,“उत्पादनांची मोठी आणि ग्राहकांना आवडणारी श्रेणी असलेल्या ब्रँड इंची आणि कंपनीच्या प्रवासातील हा एक महत्त्वाचा टप्पा आहे. आम्ही आता वेगवान विकासासाठी पूर्णपणे सज्ज आहोत. आमच्या उत्पादनांप्रमाणेच सर्व स्तरातील ग्राहकांना आवडणारा आणि इंडो-चायनीज कॅटेगरीवर मनापासून विश्वास ठेवणारा ब्रँड फेस आम्ही शोधत होतो. शेफ हरपाल यासाठी अगदी योग्य व्यक्ती आहेत. त्यांच्या सहभागामुळे आणि धोरणात्मक सहकार्यामुळे पुढील 5 वर्षांत आमचा व्यवसाय ₹500+ कोटींपर्यंत नेण्याचा आम्हाला पूर्ण विश्वास आहे.”

ही हाय-प्रोफाइल भागीदारी केवळ पारंपरिक सेलिब्रिटी एंडोर्समेंटपुरती मर्यादित राहणार नाही. ब्रँडचा चेहरा म्हणून काम करण्यासोबतच शेफ हरपाल हे सक्रिय क्युलिनरी पार्टनर म्हणूनही योगदान देतील. उत्पादनांमध्ये नाविन्य, रेसिपी डेव्हलपमेंट आणि भारतातील घराघरात रेस्टॉरंट-स्टाइल इंडो-चायनीज पदार्थ अधिक सोप्या पद्धतीने उपलब्ध करून देण्यासाठी ते महत्त्वाची भूमिका बजावतील.

आपल्या गुंतवणुकीबाबत आणि भागीदारीबाबत शेफ हरपाल सिंह सोखी म्हणाले, “मला हे फक्त आणखी एक एंडोर्समेंट असावे असे वाटत नव्हते. ज्या ब्रँडच्या व्हिजनवर माझा मनापासून विश्वास आहे, अशाच ब्रँडमध्ये मला गुंतवणूक करायची होती. निखिल आणि मेल्टिंग पॉट फूड प्रॉडक्ट्सची टीम आजच्या ग्राहकांना अतिशय चांगल्या प्रकारे समजून घेते. या व्हिजनमध्ये माझा क्युलिनरी अनुभव आणि कौशल्य आणण्याची मला मोठी संधी दिसली.”

इंडो-चायनीज फूड सेगमेंटमधील आपल्या दीर्घ अनुभवासह शेफ सोखी इंचीला महत्त्वपूर्ण बाजारपेठेची माहिती आणि ग्राहकांचा विश्वास मिळवून देतील. ही भागीदारी इंचीला या कॅटेगरीतील एक प्रमुख ब्रँड म्हणून अधिक मजबूत करण्यासोबतच शेफ सोखी यांच्या वाढत्या उद्योजकीय प्रवासातील एक महत्त्वाचा टप्पा ठरणार आहे.