महिला सक्षमीकरणासाठी 'युडब्ल्यूएम', 'डब्ल्यूडब्ल्यूबी' आणि 'एचएसबीसी इंडिया'चा पुढाकार
मुंबई। ग्रामीण भारतातील महिला सूक्ष्म आणि लघु उद्योगांच्या वाढीस प्रोत्साहन देण्यासाठी आणि त्यांना सक्षम करण्याच्या उद्देशाने, युनायटेड वे मुंबई, विमेंस वर्ल्ड बँकिंग आणि एचएसबीसी इंडिया यांनी महाराष्ट्र, आसाम आणि बिहारमधील ३ लाख महिलांना वेळेवर आणि परवडणारे कर्ज उपलब्ध करून देण्यासाठी एकत्र काम करण्याचे घोषित केले आहे. उद्योग निर्मिती आणि त्याच्या विकासाला गती देण्यासाठी हा उपक्रम स्मॉल इंडस्ट्रीज डेव्हलपमेंट बँक ऑफ इंडिया (सिडबी) आणि संबंधित राज्य ग्रामीण जीवनोन्नती अभियानांच्या सहकार्याने सुरू करण्यात आला आहे.
ग्रामीण विकास मंत्रालयाचे एनआरएलएमचे सहसचिव अमित शुक्ला म्हणाले, "महिलांनी केवळ कर्जावर आधारित उपजीविकेपुरते मर्यादित न राहता स्वतःचे उद्योग स्थापन करावेत, यासाठी सरकारने अनेक पावले उचलली आहेत. सध्या सुमारे ३८.५ लाख महिला-संचालित उद्योगांना कर्जाची आवश्यकता आहे, जी ५ लाख ते २० लाख रुपयांच्या श्रेणीत तब्बल १२,३८८ कोटी रुपयांची संधी दर्शवते.
एचएसबीसी इंडियासोबतच्या या सहयोगाबद्दल बोलताना, एचएसबीसी इंडियाच्या व्यवस्थापकीय संचालक आणि हेड ऑफ सस्टेनेबिलिटी अलोका मजुमदार म्हणाल्या, "आम्ही महिला उद्योजकांसाठी ज्ञान, क्षमता, भांडवल आणि नेटवर्क्सची उपलब्धता वाढवण्यासाठी वचनबद्ध आहोत. शाश्वत उद्योगांच्या वाढीसाठी या गोष्टी अत्यंत मूलभूत आहेत. गेल्या दशकात भारत सरकारच्या उपक्रमांनी बँक खाती आणि डिजिटल पेमेंट्सची व्याप्ती वाढवून आर्थिक समावेशनाला गती दिली आहे. आर्थिक क्षमता निर्माण करण्याच्या पुढील टप्प्यात, अधिकाधिक महिलांना विकसित होत असलेल्या या आर्थिक प्रणालीचा वापर करून उत्पन्न मिळवणारे उद्योग उभारणे, रोजगार निर्माण करणे आणि आपली कुटुंबे व समाज आर्थिकदृष्ट्या मजबूत करणे यावर लक्ष केंद्रित केले जाईल."
टिप्पणियाँ
एक टिप्पणी भेजें