बोटतर्फे 'अपग्रेड टू बोट' दिवाळी मोहिमेची घोषणा

मुंबई: भारतातील आघाडीचा ऑडिओ आणि वेअरेबल्स ब्रँड बोटने (boAt) दिवाळीनिमित्त आपल्या नवीन ‘अपग्रेड टू बोट’  या मोहिमेचा शुभारंभ केला आहे. या मोहिमेमध्ये प्रसिद्ध अभिनेते रवी किशन, लोकप्रिय क्रिएटर श्रेया कालरा आणि सूफी मोतीवाला सहभागी झाले आहेत. दिवाळीच्या काळात ग्राहकांना त्यांच्या दैनंदिन वापरातील तंत्रज्ञानाशी संबंधित उत्पादने अपग्रेड करण्यासाठी प्रोत्साहित करणे हा या मोहिमेचा मुख्य उद्देश आहे.

‘आजूबाजूचे लोक टीका करण्याआधी तुमची ऑडिओ उत्पादने अपग्रेड करा’ या संकल्पनेवर आधारित ही मोहीम सणासुदीच्या आणि दैनंदिन जीवनातील ओळखीच्या प्रसंगांमधून योग्य तंत्रज्ञानामुळे संगीत ऐकण्याचा, घरच्या घरी मनोरंजनाचा आनंद घेण्याचा आणि खास क्षण साजरे करण्याचा अनुभव कसा अधिक चांगला होऊ शकतो, हे दाखवते.

दिवाळीच्या काळात ग्राहक घरांची सजावट, कपडे आणि इलेक्ट्रॉनिक उत्पादनांच्या खरेदीला प्राधान्य देतात, मात्र दैनंदिन वापरातील ऑडिओ आणि इतर तंत्रज्ञान उपकरणांकडे अनेकदा दुर्लक्ष होते. बोटने याच ‘फेस्टिव्ह मिसमॅच’ संकल्पनेच्या माध्यमातून हलक्याफुलक्या शैलीत हे अधोरेखित केले आहे की, सणासुदीच्या तयारीत केवळ घर आणि पेहरावच नव्हे, तर मनोरंजन आणि कनेक्टिव्हिटीशी संबंधित उत्पादनांचे अपग्रेड करणेही तितकेच महत्त्वाचे आहे.

या मोहिमेतील तीन डिजिटल चित्रफितींमधून ही संकल्पना वेगवेगळ्या प्रसंगांच्या माध्यमातून मांडण्यात आली आहे. रवी किशन एका कार्यालयीन प्रसंगात दिसतात, जिथे वेगवेगळ्या मतांमुळे साध्या संभाषणाचे रूपांतर विनोदी गोंधळात होते आणि बोटचे उत्पादन ही परिस्थिती हाताळण्यास मदत करते. श्रेया कालरा यांच्या चित्रफितीत दिवाळीच्या पार्टीत खराब आवाजाच्या गुणवत्तेमुळे बिघडणारा माहोल बोटचे स्पीकर्स कसे सुधारतात हे दाखवले आहे, तर सूफी मोतीवाला घरात मित्र-परिवारासोबत वेळ घालवताना उत्तम ध्वनी गुणवत्तेचे महत्त्व अधोरेखित करतात.

बोटच्या प्रवक्त्याने सांगितले, "सणासुदीचा काळ ग्राहकांसाठी दैनंदिन वापरातील तंत्रज्ञानाशी संबंधित उत्पादनांचे पुनर्मूल्यांकन आणि अपग्रेड करण्याची महत्त्वाची संधी असते. ‘अपग्रेड टू बोट’च्या माध्यमातून आम्हाला ही संकल्पना सहज आणि मनोरंजक पद्धतीने मांडायची होती. सणासुदीच्या काळात प्रत्येकाचे स्वतःचे मत असते; मात्र, योग्य तंत्रज्ञान अनुभव अधिक चांगला बनवू शकते. रवी किशन, श्रेया कालरा आणि सूफी मोतीवाला यांच्या माध्यमातून आम्ही ही संकल्पना वेगवेगळ्या प्रसंगांमध्ये मांडत आहोत. त्याचबरोबर, ऑडिओ, होम एंटरटेनमेंट, स्मार्टवॉच आणि पॉवर बँक यांसह आमच्या विस्तृत उत्पादन श्रेणीची ओळखही या मोहिमेतून करून दिली जात आहे."