मुंबई। टाटा मोटर्स पॅसेंजर वेईकल्‍स (टीएमपीव्‍ही)ची नवीन वेईकल टाटा सिएराने उल्‍लेखनीय टप्‍पा संपादित केला आहे, जेथे १२ तासांमध्‍ये अधिकतम इंधन कार्यक्षमता संपादित करण्यासाठी 'इंडिया बुक ऑफ रेकॉर्ड्स'मध्‍ये प्रवेश केला आहे. नॅट्रॅक्‍स इंदौर येथे प्रमाणित ड्राइव्‍हमध्‍ये सिएराने २९.९ किमी/लीटरची अपवादात्‍मक इंधन कार्यक्षमता दिली, ज्‍यासह मागील राष्‍ट्रीय मापदंड मागे टाकले. पिक्सल मोशन टीमने हे यश मिळवले. टीमने ३० नोव्‍हेंबर २०२५ रोजी सकाळी ७ वाजल्‍यापासून सायंकाळी ७ वाजेपर्यंत १.५ लीटर हायपेरियन-पॉवर्ड सिएरा ड्राइव्‍ह केली, जेथे ड्रायव्‍हर बदलण्‍यासाठी फक्‍त एकदाच थांबा घेण्‍यात आला. याच दिवशी या विक्रमाला अधिकृतरित्‍या मान्‍यता देण्यात आली.
या यशामधील प्रमुख बाब आहे नवीन १.५ लीटर हायपेरियन पेट्रोल इंजिन, जे सुधारणा, कार्यक्षमता किंवा ड्रायव्हिंग क्षमतेबाबत तडजोड न करता उच्‍च कार्यक्षमता देण्‍यासाठी डिझाइन करण्यात आले आहे. यामधील प्रगत कम्‍बशन सिस्‍टम, टॉर्क-संपन्‍न परफॉर्मन्‍स बँड आणि घर्षण अनुकूल रचनेने संपूर्ण ड्राइव्‍हदरम्‍यान सतत इंधन वितरण व स्थिर कामगिरीची खात्री दिली. या यशामधून हायपेरियन पॉवरट्रेनची अभियांत्रिकी नाविन्‍यता आणि क्षमता दिसून येते.
या यशाबाबत मत व्‍यक्‍त करत टाटा मोटर्स पॅसेंजर वेईकल्‍सचे चीफ प्रॉडक्‍ट ऑफिसर मोहन सावरकर म्‍हणाले, ''सिएरा प्रवासामध्‍ये इतक्‍या लवकर राष्‍ट्रीय स्‍तरावर कार्यक्षमता विक्रम स्‍थापित करणे आमच्‍यासाठी अभिमानास्‍पद क्षण आहे. हायपेरियन इंजिन प्‍लॅटफॉर्म पेट्रोल पॉवरट्रेन्‍स संपादित करू शकणाऱ्या बाबींमधील मर्यादांना दूर करण्यासाठी डिझाइन करण्यात आले आहे आणि हा महत्त्वपूर्ण टप्‍पा त्‍या प्रयत्‍नांना सार्थ ठरवतो. तसेच, हे यश ग्राहकांसाठी सिएराचे मूल्‍य तत्त्व अधिक प्रबळ करते आणि बाजारपेठेत प्रगत, कार्यक्षम व भविष्‍याकरिता सुसज्‍ज तंत्रज्ञान सादर करण्‍याप्रती टीएमपीव्‍हीच्‍या कटिबद्धतेला सादर करते.''
टाटा सिएराने नॅट्रॅक्‍स, इंदौर येथे विशिष्‍ट चाचणी स्थिती अंतर्गत २२२ किमी/तासचा टॉप स्‍पीड देखील संपादित केला, ज्‍यामधून समांतर ड्राइव्‍हमध्‍ये १.५ लीटर हायपेरियन इंजिनची कार्यक्षमता दिसून येते.
टिप्पणियाँ
एक टिप्पणी भेजें