पुणे। देशाच्या आर्थिक व सामाजिक विकासात उल्लेखनीय योगदान देणाऱ्या उद्योजकांचा गौरव करण्याच्या उद्देशाने आयोजित करण्यात आलेला भव्य सोहळा राष्ट्र निर्माण उद्योजक सन्मान 2026 दिनांक 16 फेब्रुवारी 2026 रोजी भोसरी, पुणे येथे अत्यंत दिमाखदार व गौरवपूर्ण वातावरणात यशस्वीरीत्या पार पडला.
या प्रेरणादायी कार्यक्रमाचे आयोजन देविदास ग्रुप बिझनेस मॅनेजमेंट इन्स्टिट्यूट तर्फे करण्यात आले होते. आपल्या व्यवसायातून राष्ट्रनिर्मितीत सक्रिय आणि प्रभावी भूमिका बजावणाऱ्या उद्योजकांचा सन्मान करणे हा या कार्यक्रमाचा मुख्य उद्देश होता.
या महत्त्वपूर्ण कार्यक्रमाच्या यशस्वी आयोजनामध्ये Le-Vanshi Group Of Company चे Founder, Business Tycoon Author Kuntal Arora, Mrs. Simran Kuntal Arora, तसेच Riyansh Solar Power Plus Pvt. Ltd. चे Founder Mr. Umesh Bhardwaj यांचे विशेष सहकार्य व भक्कम समर्थन लाभले. त्यांच्या दूरदृष्टी, सकारात्मक नेतृत्व आणि सक्रिय सहभागामुळे कार्यक्रम अधिक भव्य व प्रभावी ठरला.
या विशेष प्रसंगी बॉलिवूड अभिनेत्री स्नेहा उल्लाल तसेच प्रख्यात अभिनेते शहबाज खान प्रमुख पाहुणे म्हणून उपस्थित होते. त्यांनी सन्मानित उद्योजकांच्या कार्याचे कौतुक करत त्यांना सातत्य, उत्कृष्टता आणि सामाजिक जबाबदारीच्या दिशेने पुढे जाण्यास प्रेरित केले.
आपल्या मनोगतात त्यांनी नमूद केले की, कोणत्याही उद्योजकाच्या यशामागे सकारात्मक विचारसरणी, सतत शिकण्याची वृत्ती, सातत्य (Continuity), कंसिस्टन्सी (Consistency) आणि संयम (Patience) यांची अत्यंत महत्त्वाची भूमिका असते. व्यवसाय हा केवळ नफा कमावण्याचे साधन नसून समाज आणि राष्ट्राच्या सर्वांगीण विकासासाठी एक सक्षम माध्यम आहे, असेही त्यांनी अधोरेखित केले.
या कार्यक्रमात सन्मानित व उपस्थित मान्यवर उद्योजकांमध्ये कुंतल अरोरा, उमेश भारद्वाज, स्वप्निल गायकवाड, वेदांत नाईकरे, कुशल लोणारकर, प्रफुल्ल कांबळे, डॉ. मच्छिंद्र मुंडे, डॉ. सुनील सुतार, डॉ. स्नेहा हिंगे, प्रमोद भुजबळ, हर्ष सिन्हा आणि मिहिर सिखवाल यांच्यासह अनेक प्रतिष्ठित उद्योजकांचा समावेश होता.
कार्यक्रमाचा समारोप उत्साहपूर्ण वातावरणात झाला. सन्मानित उद्योजकांनी आपले अनुभव मांडत राष्ट्रनिर्मितीच्या कार्यात अधिक प्रभावी योगदान देण्याचा संकल्प व्यक्त केला. आयोजकांनी भविष्यातही अशा प्रेरणादायी उपक्रमांचे आयोजन सुरू ठेवण्याचा निर्धार व्यक्त केला, जेणेकरून राष्ट्राच्या विकासात योगदान देणाऱ्या उद्योजकांना योग्य व्यासपीठ, ओळख आणि सन्मान मिळत राहील.
टिप्पणियाँ
एक टिप्पणी भेजें