फोर्टिस हॉस्पिटल मुलुंडचा उपक्रम 'ब्रेस्टकेयर३६०' जागतिक कॅन्सर दिनानिमित्त स्तन आरोग्याबाबत व्यापक देखभालीसाठी उचलले महत्त्वाकांक्षी पाऊल

स्तन आरोग्याच्या देखभालीप्रती एकात्मिक दृष्टिकोन, यामध्ये आजार लवकरात लवकर लक्षात येणे, कॅन्सरवरील उपचार आणि रिकन्स्ट्रक्टिव सर्जरी यावर विशेष भर देण्यात आला आहे 

मुंबई। फोर्टिस हॉस्पिटल, मुलुंडने दर्जेदार आरोग्य सेवा देण्याच्या आपल्या वचनाचे पालन करत ‘ब्रेस्टकेयर३६०’ हा विशेष उपक्रम सुरु केला आहे. स्तनांच्या आरोग्याची अत्याधुनिक काळजी घेण्यासाठी हा खास प्रोग्राम तयार करण्यात आला आहे. यामध्ये कॅन्सर आणि त्याव्यतिरिक्त इतर स्तन विकार, या सर्वांचे निदान, अचूक उपचार आणि शस्त्रक्रिया यांसारख्या सुविधा एकाच छताखाली उपलब्ध होतील. जागतिक कर्करोग दिन २०२६ च्या निमित्ताने या उपक्रमाची सुरुवात करण्यात आली आहे. स्तनाच्या कर्करोगाविरुद्धच्या लढ्यात विशेष उपचारांची वाढती गरज पूर्ण करण्यासाठी आणि रुग्णांना सर्वोत्तम सेवा देण्यासाठी फोर्टिस हॉस्पिटल कटिबद्ध असल्याचे यातून दिसून येते.

‘ब्रेस्टकेयर३६०’ अंतर्गत अनुभवी तज्ञांच्या मार्गदर्शनाखाली, स्तनांशी संबंधित आजारांचे निदान आणि उपचारांसाठी 'मल्टीडिसिप्लिनरी' दृष्टीकोन वापरला जाईल. या तज्ञ टीममध्ये डॉ. राज कपाडिया (कन्सल्टंट - सर्जिकल ऑन्कोलॉजी), डॉ. रचना तातारिया (कन्सल्टंट - रिकन्स्ट्रक्टिव्ह आणि प्लास्टिक सर्जरी) आणि डॉ. सोनाली मनियार (कन्सल्टंट - रेडिओलॉजी) यांचा समावेश आहे. हे सर्व डॉक्टर्स प्रत्येक रुग्णाला वैयक्तिक लक्ष देऊन अत्यंत संवेदनशीलतेने उपचार देण्यासाठी कटिबद्ध आहेत.

फोर्टिस हॉस्पिटल, मुलुंड येथील कॅन्सर सर्जरी तज्ञ डॉ. राज कपाडिया यांनी म्हटले की, "ज्यांना विशेष देखभालीची गरज आहे अशा महिला आणि पुरुष दोघांसाठी ‘ब्रेस्टकेयर३६०’ सेवांची एक मोठी श्रेणी उपलब्ध करून देत आहे. कर्करोगाचे सुरुवातीच्या टप्प्यात निदान करण्यापासून ते आधुनिक उपचार, आणि रिकन्स्ट्रक्टिव्ह व एस्थेटिक सर्जरीपर्यंत—आमचा उद्देश फक्त आजार बरा करणे हा नसून रुग्णाचा हरवलेला आत्मविश्वास परत मिळवून देणे हा आहे. आम्ही प्रतिबंधात्मक उपाय (जसे की Prophylactic Mastectomies) आणि कॅन्सरनंतर शरीराचा आकार पुन्हा पूर्ववत करण्यासाठी 'रिकन्स्ट्रक्शन'ची सुविधा देखील देतो, जेणेकरून रुग्ण आपली ओळख पुन्हा मिळवू शकतील आणि सामान्य जीवन जगू शकतील."

फोर्टिस हॉस्पिटल मुलुंड येथील प्लास्टिक आणि रिकंस्ट्रक्टिव्ह सर्जरी तज्ञ डॉ. रचना तातारिया यांनी सांगितले की, "आजच्या काळात स्तनांच्या आरोग्याची देखभाल म्हणजे केवळ आजारावर उपचार करणे नव्हे, तर शरीराचा आकार, कार्यक्षमता आणि आत्मविश्वास पुन्हा मिळवून देणे हे देखील तितकेच महत्त्वाचे आहे. ‘ब्रेस्टकेयर३६०’ च्या माध्यमातून आमचे उद्दिष्ट उपचारांच्या प्रक्रियेतच 'रिकन्स्ट्रक्शन'चे पर्याय उपलब्ध करून देणे आहे, मग ते शस्त्रक्रियेनंतर लगेच असो किंवा काही काळानंतर. आजारातून बरे होताना रुग्णाला शारीरिक आणि मानसिक अशा दोन्ही स्तरांवर पुन्हा एकदा परिपूर्ण वाटले पाहिजे, यावर आमचा मुख्य भर आहे."

‘ब्रेस्टकेयर३६०’ अंतर्गत उपलब्ध असलेल्या वैद्यकीय सेवा खालीलप्रमाणे आहेत:

स्तनाच्या कॅन्सरचे निदान आणि उपचार: कॅन्सरचे लवकरात लवकर निदान, शस्त्रक्रिया, केमोथेरपी आणि रेडिएशन थेरपीसाठी येथे अत्याधुनिक तंत्रज्ञान उपलब्ध आहे. आजाराची अचूक ओळख पटवण्यासाठी डिजिटल मॅमोग्राफी आणि 3T MRI सारख्या सुविधा दिल्या आहेत. तसेच, येथे जेनेटिक टेस्टिंग (अनुवांशिक चाचणी) आणि समुपदेशन (Counselling) देखील केले जाईल.

रिकन्स्ट्रक्टिव्ह सर्जरी: कॅन्सरच्या शस्त्रक्रियेनंतर (Mastectomy) स्तनाला पुन्हा नैसर्गिक आकार देणे, जेणेकरून रुग्णाचा आत्मविश्वास आणि जीवनमान सुधारेल.

एस्थेटिक ब्रेस्ट प्रोसीजर: वैद्यकीय किंवा सौंदर्याच्या दृष्टीने स्तनांचा आकार वाढवणे, कमी करणे किंवा लिफ्ट करण्याची सुविधा.

प्रतिबंधात्मक काळजी: ज्यांना कॅन्सरचा धोका खूप जास्त आहे (उदा. BRCA जीन म्यूटेशन असलेले लोक), त्यांच्यासाठी प्रतिबंधात्मक शस्त्रक्रिया (Prophylactic Mastectomy) उपलब्ध आहे.

निप्पल रिकन्स्ट्रक्शन: कॅन्सरच्या उपचारानंतर शरीराचा भाग नैसर्गिक आणि चांगला दिसण्यासाठी केली जाणारी विशेष शस्त्रक्रिया.

पुरुषांसाठी स्तनांची देखभाल: पुरुषांमधील स्तनांशी संबंधित समस्या, जसे की गायनेकोमॅस्टिया (Gynecomastia) आणि पुरुषांच्या स्तन कॅन्सरवर उपचार.

फोर्टिस हॉस्पिटल मुलुंडचे फॅसिलिटी डायरेक्टर डॉ. विशाल बेरी यांनी सांगितले की, "फोर्टिसमध्ये आमचे ध्येय रुग्णांना अशी आरोग्य सेवा देणे आहे, जी त्यांच्या आजारासोबतच त्यांच्या भावनांची देखील काळजी घेईल. ‘ब्रेस्टकेयर३६०’हा उपक्रम अशा प्रकारे तयार करण्यात आला आहे की, रुग्णांना सर्व प्रकारचे सहाय्य आणि उपचार एकाच ठिकाणी मिळतील. रुग्णांना केवळ सर्वोत्तम उपचारच मिळावेत असे नाही, तर पूर्णपणे बरे होईपर्यंत आम्ही त्यांच्या सोबत आहोत आणि त्यांच्या प्रत्येक गरजेची आम्हाला जाणीव आहे, असा विश्वास त्यांना मिळावा हे आम्ही सुनिश्चित करू इच्छितो."

‘ब्रेस्टकेयर३६०’ हा नवीन उपक्रम फोर्टिस हॉस्पिटल मुलुंड येथे राबवला जाईल, जिथे रुग्णांना सर्व प्रकारच्या वैद्यकीय सेवा एकाच छताखाली उपलब्ध होतील. या उपक्रमाच्या माध्यमातून फोर्टिस हॉस्पिटल मुलुंड समाजाला उच्च दर्जाच्या आणि संवेदनशील आरोग्य सेवा देण्याचे आपले वचन अधिक दृढ करत आहे.