फोनपेतर्फे बायोमेट्रिक ऑथेंटिकेशनसह यूपीआय पेमेंट्सची सुविधा सुरू

मुंबई। फोनपेतर्फे आज यूपीआय पेमेंट्ससाठी बायोमेट्रिक ऑथेंटिकेशन सुविधा सुरू केल्याची घोषणा करण्यात आली असून, या सुविधेमुळे वापरकर्त्यांना अधिक जलद आणि सहज ‘वन-टच’ पेमेंट अनुभव मिळणार आहे. या नव्या सुविधेच्या माध्यमातून युजर त्यांच्या स्मार्टफोनमधील नेटिव्ह सिक्युरिटी, उदा. फिंगरप्रिंट किंवा फेस रिकग्निशनचा वापर करून व्यवहार ऑथोराइझ करू शकतात, त्यामुळे प्रत्येक व्यवहारासाठी यूपीआय पिन मॅन्युअली एंटर करण्याची आवश्यकता राहणार नाही. या सुविधेमुळे, फोनपे हे मोठ्या प्रमाणावर ही क्षमता प्रत्यक्षात उपलब्ध करून देणाऱ्या आघाडीच्या पेमेंट प्लॅटफॉर्मपैकी एक ठरले आहे.

युजरच्या पेमेंट प्रवासातील सामान्य अडथळे दूर करून डिजिटल पेमेंट्सची सुरक्षितता आणि विश्वासार्हता अधिक बळकट करण्याच्या उद्देशाने ही सुविधा तयार करण्यात आली आहे. डिव्हाइस स्तरावरील बायोमेट्रिक व्हेरिफिकेशनचा वापर केल्यामुळे गर्दीच्या सार्वजनिक ठिकाणीही युजर सुरक्षितपणे व्यवहार करू शकतात आणि ‘शोल्डर सर्फिंग’ किंवा UPI पिन उघड होण्याचा धोका प्रभावीपणे टाळला जातो. सुरक्षिततेबरोबरच, विसरलेला किंवा चुकीचा यूपीआय पिन एंटर केल्यामुळे होणारे व्यवहार अयशस्वी होण्याचे प्रमाण कमी झाल्याने या एकात्मिक सुविधेमुळे व्यवहार यशस्वी होण्याचे प्रमाण लक्षणीयरीत्या वाढते. सातत्यपूर्ण अनुभवासाठी या सुविधेमध्ये फॉलबॅक यंत्रणा देण्यात आली असून, प्रकाश कमी असेल किंवा सेन्सरशी संबंधित अडचणींमुळे बायोमेट्रिक ऑथेंटिकेशनमध्ये अडथळा आल्यास युजर त्वरित त्यांच्या नेहमीच्या यूपीआय पिनचा वापर करून व्यवहार करू शकतात.

सध्याच्या नियामक मार्गदर्शक तत्त्वांनुसार, ही ‘वन-टच’ पद्धत ₹५,००० पर्यंतच्या UPI व्यवहारांसाठी डिव्हाइस स्तरावरील बायोमेट्रिक व्हेरिफिकेशनचा सुरक्षित टू-फॅक्टर ऑथेंटिकेशन लेयर म्हणून वापर करते. या मर्यादेपेक्षा जास्त रकमेच्या व्यवहारांसाठी कमाल सुरक्षितता सुनिश्चित करण्यासाठी यूपीआय पिन ऑथेंटिफिकेशन आवश्यक असेल. युजरना ही बायोमेट्रिक ऑथेंटिकेशन सुविधा दैनंदिन वापरातील विविध ठिकाणी वापरता येणार असून, यामध्ये पीअर-टू-पीअर मनी ट्रान्सफर, दुकानांमध्ये क्यूआर स्कॅन करून पेमेंट करणे, ऑनलाइन पेमेंट्स तसेच बँक बॅलन्स तपासणे यांचा समावेश आहे.

सुविधेच्या लाँचबद्दल फोनपेचे पेमेंट्स विभाग प्रमुख दीप अग्रवाल म्हणाले, “प्रत्येक भारतीयासाठी डिजिटल पेमेंट्स अधिक सहज, समजण्यास सोपे आणि ॲक्सेसिबल करणे हेच फोनपेमध्ये आमचे ध्येय राहिले आहे. बायोमेट्रिक ऑथेंटिकेशनची एकात्मिक सुविधा देऊन आम्ही खऱ्या अर्थाने सुलभ व विनाअडथळा पेमेंट अनुभवाच्या दिशेने एक महत्त्वाचे पाऊल उचलले आहे. ही सुविधेमुळे वेळेची बचत होतेच, त्याचप्रमाणे युजरना त्यांच्या दैनंदिन परिस्थितीत सुरक्षित ठेवणारी हार्डवेअर-ग्रेडचा सुरक्षा स्तर मिळतो. सामान्य अडथळे दूर करून आम्ही डिजिटल पेमेंट्स सर्वांसाठी अधिक सुलभ आणि सुरक्षित करत असल्याचा आम्हाला विश्वास आहे.”