वेस्टर्न इंडिया फिल्म प्रोड्युसर्स असोसिएशन व लायन्स क्लब ऑफ मिलेनियमच्या वतीने 11 वा मोफत मेगा आय कॅम्प संपन्न

मुंबई। वेस्टर्न इंडिया फिल्म अँड टीव्ही प्रोड्युसर्स असोसिएशन आणि लायन्स क्लब ऑफ मिलेनियम यांच्या संयुक्त विद्यमाने रविवार, 31 मे 2026 रोजी माहेश्वरी हॉल, अंधेरी पश्चिम, मुंबई येथे 11 वा मोफत मेगा नेत्र तपासणी, मोफत चष्मे व मोफत मोतीबिंदू शस्त्रक्रिया शिबिर आयोजित करण्यात आले होते.

गेली 11 वर्षे सातत्याने या शिबिराचे आयोजन करण्यात येते. आजवर 200 पेक्षा अधिक गरजू लोकांच्या मोतीबिंदू शस्त्रक्रिया मोफत करण्यात आल्या आहेत. फिल्म इंडस्ट्री आणि सर्वसामान्य जनता या शिबिराचा लाभ घेतात. यंदा सुमारे 500 लोकांनी आपल्या डोळ्यांची तपासणी करून घेण्याची संधी घेतली.

संस्थेचे अध्यक्ष संग्राम शिर्के यांच्या अध्यक्षतेखाली, प्रोजेक्ट चेअरमन पवन खेतान, विप्फाचे सरचिटणीस दिनेश आशिवाल, कार्यक्रम प्रमुख धर्मेंद्र मेहरा, तसेच लायन्स क्लब ऑफ मिलेनियमचे अध्यक्ष दिलीप सांगानेरिया, सरचिटणीस आनंद अग्रवाल आणि खजिनदार प्रकाश झुनझुनवाला यांच्या पुढाकाराने हे शिबिर यशस्वीरीत्या संपन्न झाले.

या उदात्त कार्याला प्रमुख चित्रपट व्यक्तिमत्त्वे – एफडब्ल्यूआयसीचे अध्यक्ष बी. एन. तिवारी, इम्पाचे अध्यक्ष अभय सिन्हा, इम्पाच्या उपाध्यक्ष सुषमा शिरोमणी, फिल्म मेकर्स कम्बाईनचे महासचिव निशांत उज्ज्वल, फिल्म डायरेक्टर्स असोसिएशनचे अध्यक्ष अशोक पंडित, आर्ट डायरेक्टर्स असोसिएशनचे महासचिव रंगाराव चौघुले, तसेच प्रसिद्ध कलाकार मुकेश ऋषी, हेमंत बिर्जे, अभिनेत्री साहिला चड्डा आणि तानी देओल यांची उपस्थिती लाभली.

वेस्टर्न इंडिया फिल्म प्रोड्युसर्स असोसिएशनच्या अंजना शर्मा, चांदनी गुप्ता, डॉ. प्रल्हाद खंडारे, प्रिया राठोड, डॉ. युवामित्र द्विवेदी, अरविंद कुमार वाघेला, चंदा पटेल यांच्यासह सर्व कर्मचारी वर्गाने शिबिराच्या आयोजनासाठी विशेष परिश्रम घेतले.