वार्षिक आधारावर २३.६ टक्के वाढ
मुंबई। किया इंडिया या देशातील आघाडीच्या मास-प्रीमियम ऑटोमेकर कंपनीने आपल्या स्थापनेपासून मे महिन्यातील आतापर्यंतची सर्वोच्च विक्री जाहीर केली आहे. मे २०२५ मध्ये विकल्या गेलेल्या २२,३१५ वाहनांच्या तुलनेत यंदा मे महिन्यात २७,५८६ युनिट्सची घाऊक विक्री झाली आहे, ज्यामध्ये वार्षिक आधारावर २३.६ टक्के वाढ नोंदवण्यात आली आहे. या प्रबळ कामगिरीमधून कियाच्या उत्पादनांना असलेली ग्राहकांची शाश्वत मागणी आणि भारतामधील बाजारपेठेतील ब्रँडचा सातत्यपूर्ण वेग दिसून येतो.
२०२६ मध्ये आपला प्रबळ वाढीचा टप्पा कायम राखत किया इंडियाने या वर्षात आतापर्यंत (वायटीडी) १३९,१९७ युनिट्सची विक्री नोंदवली आहे. २०२५ मधील याच कालावधीतील १२१,५१४ युनिट्सच्या तुलनेत १४.६ टक्के वाढ झाली आहे. कियाचा प्रीमियम, तंत्रज्ञानावर आधारित आणि भविष्यासाठी सज्ज गतीशीलता सोल्यूशन्स देण्यावरील भर आणि ब्रँडच्या उत्पादन पोर्टफोलिओला ग्राहकांकडून मिळणारी सातत्यपूर्ण मागणी यामुळे हा वेग कायम राहिला आहे.
या कामगिरीबाबत मत व्यक्त करत किया इंडियाचे सेल्स अँड मार्केटिंगचे सीनियर व्हाईस-प्रेसिडेंट अतुल सूद म्हणाले, “आमच्या मे महिन्यातील आतापर्यंतच्या सर्वोच्च विक्री कामगिरीमधून ग्राहकांच्या बदलत्या पसंतीनुसार आमच्या विविध श्रेणीतील उत्पादनांची असलेली मजबूत पकड दिसून येते. नवीन सेल्टोस आणि सोनेटला मिळणारी सातत्यपूर्ण मागणी, तसेच कॅरेन्स क्लॅव्हिस, क्लॅव्हिस ईव्ही आणि एमवाय२६ सिरॉसला मिळालेला उत्साहवर्धक प्रतिसाद यामुळे आम्हाला आमचा वाढीचा वेग कायम ठेवण्यास मदत झाली आहे. तसेच, आमच्या बॅटरी-अॅज-अ-सर्व्हिस (बीएएएस) प्रोग्रामसारखे अलीकडील उपक्रम ग्राहकांसाठी इलेक्ट्रिक गतीशीलता अधिक सुलभ आणि व्यावहारिक बनवण्यात महत्त्वाची भूमिका बजावत आहेत. आम्ही देशभरात आमची उपस्थिती अधिक दृढ करत असताना भारतातील ग्राहकांच्या बदलत्या गरजांना अनुरूप अशी नाविन्यपूर्ण उत्पादने, प्रीमियम मालकीचा अनुभव आणि तंत्रज्ञान प्रदान करण्यावर आमचा भर कायम आहे.”
या महिन्यातील मजबूत कामगिरीचे नेतृत्व नवीन सेल्टोसने केले, जिने जानेवारीमध्ये लाँच झाल्यापासून प्रत्येक महिन्याला १०,००० पेक्षा जास्त युनिट्सच्या विक्रीचा टप्पा ओलांडून आपला प्रबळ वाढीचा वेग कायम ठेवला आहे. या वेईकलची आकर्षक डिझाइन, प्रगत तंत्रज्ञान आणि बेंचमार्क सेट करणारी ५-स्टार बीएनसीएपी रेटिंग, जी भारतातील आजपर्यंतची सर्वाधिक स्कोअर करणारी आयसीई वेईकल आहे, यामुळे प्रीमियम फॅमिली एसयूव्ही म्हणून या वेईकलचे स्थान अधिक दृढ झाले आहे. सोनेटने कॉम्पॅक्ट एसयूव्ही श्रेणीमध्ये आपले मुख्य योगदान कायम ठेवले आहे, ज्याला पेट्रोल आणि डिझेल व्हेरिएंट्समधील विस्तीर्ण ऑटोमॅटिक ट्रान्समिशन पर्यायांद्वारे अधिक सुलभतेचा लाभ मिळाला आहे. विशेषतः नवीन व्हेरिएंट स्ट्रॅटेजी, ऑटोमॅटिक ट्रान्समिशनची वाढलेली उपलब्धता आणि अधिक प्रबळ एकूण मूल्य प्रस्तावासाठी एमवाय२६ किया सिरॉसला देखील ग्राहकांकडून उत्साहवर्धक प्रतिसाद मिळाला आहे.
किया इंडियाच्या फॅमिली मूव्हर पोर्टफोलिओला अधिक मजबूत करत कॅरेन्स क्लॅव्हिस व क्लॅव्हिस ईव्ही प्रगत वैशिष्ट्ये आणि वैविध्यपूर्ण आसन व्यवस्थेसह एक व्यावहारिक गतीशीलता सोल्यूशन शोधत असलेल्या ग्राहकांमध्ये सातत्याने पसंती मिळवत आहेत. किया इंडियाच्या बॅटरी-अॅज-अ-सर्व्हिस (बीएएएस) प्रोग्रामच्या सादरीकरणाने इलेक्ट्रिक गतीशीलतेमधील सुरुवातीचे अडथळे कमी करून आणि ग्राहकांची सोय वाढवून कंपनीच्या ईव्ही धोरणाला अधिक पूरक बनवले आहे.
४०२ शहरांमध्ये पसरलेल्या ८९१ टचपॉइंट्ससह किया इंडियाचे देशभरातील मजबूत नेटवर्क, शहरी आणि उदयोन्मुख दोन्ही बाजारपेठांमध्ये ग्राहकांसाठी विक्री, सर्व्हिस आणि मालकीच्या सपोर्टसाठी ब्रँडची उपलब्धता वाढवते. यामध्ये आणखी भर घालत कंपनीचे १३० सर्टिफाइड प्री-ओन्ड आउटलेट्स कार्यरत आहेत, जे ग्राहकांसाठी त्वरित पेमेंट, विनासायास एक्सचेंज आणि त्रासमुक्त मालकीचा अनुभव सक्षम करतात.
टिप्पणियाँ
एक टिप्पणी भेजें