भारतातील आयपी६७ रेटिंग असलेला एकमेव फीचर फोन
मुंबई। आयटेल या भारतासाठी तंत्रज्ञान सुलभ आणि सर्वसमावेशक बनवण्यासाठी ओळखल्या जाणाऱ्या आघाडीच्या इलेक्ट्रॉनिक्स ब्रँडने आपल्या नवीन डिवाईसच्‍या लाँचसह सर्वत्र धूमाकूळ निर्माण केली आहे. भारतातील आपल्या टिकाऊ, विश्वासार्ह आणि परवडणाऱ्या उत्पादनांच्या श्रेणीसाठी प्रसिद्ध असलेल्या आयटेलने भारतातील आयपी६७ रेटिंग* असलेला एकमेव फीचर फोन अॅक्‍वा लाँच केला आहे. आयटेल अॅक्‍वा कठीण परिस्थितीमध्ये टिकून राहण्यासाठी तयार करण्यात आला आहे, जिथे सामान्य फीचर फोन्स निकामी होतात. आयपी६७ जलरोधक व धूळरोधक संरक्षणामुळे आयटेल अॅक्‍वा कोणत्याही नुकसानाशिवाय ३० मिनिटांपर्यंत पाण्यात बुडूनही सुरक्षित राहू शकतो आणि चिखल किंवा ओल्या वातावरणातही उत्तम कार्यरत राहतो. यासोबत, अॅक्‍वाने भारतातील फीचर फोन्समध्ये आणखी एक पहिलेच तंत्रज्ञान सादर केले आहे, ते म्हणजे एआय एन्व्हायरनमेंटल नॉईज कॅन्सलेशन (ईएनसी). हे तंत्रज्ञान बांधकाम साइट्स, बाजारपेठा, कारखाने आणि सामान्य ट्रॅफिकसारख्या गर्दीच्या ठिकाणांमधील पार्श्वभूमीचा गोंगाट दूर करते; ज्यामुळे वापरकर्त्‍याला आणि दुसऱ्या बाजूच्या व्यक्तीला कोणत्याही अतिरिक्त आवाजाशिवाय एकमेकांचे बोलणे स्पष्टपणे ऐकू येते. हा अॅक्‍वा फोन निळा, लाल आणि काळा या अत्यंत स्टायलिश रंगांमध्ये उपलब्ध असून आता देशभरातील रिटेल स्टोअर्समध्ये फक्त १,७९९ रूपयांमध्ये उपलब्ध आहे.
हे नवीन लाँच आयटेलने भारतात सुरू केलेल्या नवीन इन्नो सिरीजचा भाग आहे. आधुनिक वापरकर्त्‍यांच्‍या गरजा लक्षात घेऊन तयार केलेली इन्नो सिरीज दैनंदिन जीवन अधिक सोपे आणि कार्यक्षम बनवण्यासाठी टिकाऊपणा, सोयीसुविधा आणि व्यावहारिक नाविन्‍यता एकत्र आणते. टिकाऊपणा, सुविधा आणि दैनंदिन सुलभतेवर लक्ष केंद्रित करणारी ही इन्नो सिरीज मुलभूत संवादाच्या पलीकडे जाऊन वापरकर्त्‍यांचे जीवन सुकर करणारे उपाय प्रदान करते. या सिरीजमधील प्रत्येक डिवाईस वापरकर्त्‍याचा अनुभव वाढवण्यासाठी आणि ग्राहकांच्या अपेक्षांना नव्‍या उंचीवर नेण्‍यासाठी उद्देशपूर्ण नाविन्‍यता सादर करतो. फीचर फोन वापरकर्त्‍यांमध्ये आयटेलने केलेल्या अंतर्गत सर्वेक्षणात दिसून आले आहे की, फोन खराब होण्यामागे पाण्यामुळे होणारे नुकसान हे प्रमुख कारण (४२ टक्‍के) होते. ग्राहकांच्या याच समस्येचा अभ्यास करून आयटेल अॅक्‍वा विकसित करण्यात आला आहे, जो अनपेक्षितपणे पाण्यात पडल्यास उत्तम संरक्षण देतो आणि भारतभरातील लाखो वापरकर्त्‍यांना भेडसावणारी ही मोठी समस्या दूर करतो.
या लाँचबाबत मत व्‍यक्त करत आयटेल इंडियाचे सीईओ अरिजित तालापात्रा म्हणाले, “नाविन्‍यता हे इंजिन आहे, जे तंत्रज्ञानाला प्रासंगिक ठेवते. आमची नवीन इन्नो सिरीज सादर करणे हे आयटेलला भारतातील सर्वात नाविन्यपूर्ण टेक ब्रँड बनवण्याच्या दिशेने टाकलेले एक पाऊल आहे. भारताला केंद्रस्थानी ठेवून केलेल्या डिझाइनसह आयटेल अॅक्‍वा हा भारताच्या वैविध्यपूर्ण हवामानाचा विचार करून डिझाइन करण्यात आला आहे, मग तो किनारपट्टीच्या भागातील दमट आणि पावसाळी हवामान असो किंवा वाळवंटातील कोरडे आणि धुळीचे हवामान असो. लाखो भारतीयांना भेडसावणाऱ्या एका सामान्य समस्येचे निराकरण करून, आयटेल अॅक्‍वा दैनंदिन अनुभव समृद्ध करणाऱ्या आणि फीचर फोन श्रेणीला नव्‍या उंचीवर घेऊन जाणाऱ्या अर्थपूर्ण नाविन्‍यता आणण्याप्रती आमच्या कटिबद्धतेला सादर करतो.”
भारतातातील डिवाईस मार्केटमधील टिकाऊपणा, विश्वासार्हता आणि परवडणारी किंमतीची वाढती भूमिका या विषयावरील नवीन सायबर मीडिया रिसर्च (सीएमआर) अहवालाने आयटेलची सर्वोत्कृष्ट कामगिरी दाखवली आहे, ज्यामध्ये फीचर फोनमध्ये ०.६५ आणि स्मार्टफोनमध्ये ०.८६ गुणांसह आयटेलने या सेगमेंटमध्ये सर्वोच्च स्थान मिळवले आहे. याव्यतिरिक्त, ८५ टक्‍के ग्राहकांना वाटते की त्यांना पैशांचे पूर्ण मूल्य मिळते, ८१ टक्‍के ग्राहक आयटेलला मजबूती आणि टिकाऊपणाशी जोडतात, ७९ टक्‍के ग्राहक ब्रँडच्या डिझाइनचे कौतुक करतात, तर ७४ टक्‍के ग्राहक आयटेलला विश्वासार्ह आणि खात्रीशीर ब्रँड मानतात.
अॅक्‍वा हा घराबाहेर आणि कठीण परिस्थितीत सातत्याने वापरण्यासाठी डिझाइन केलेला सर्वांगीण डिवाईस आहे. २.४-इंचाचा मोठा डिस्प्ले, ब्लूटूथ कनेक्टिव्हिटी, रेकॉर्डिंगसह वायरलेस एफएम रेडिओ, ६० कॉल लॉग्स आणि ३२ जीबीपर्यंत वाढवता येणारी स्टोरेज क्षमता असलेल्या या फोनमध्ये मजबूत टिकाऊपणासोबत अनेक उत्तम वैशिष्ट्यांचे संयोजन आहे. या फोनमध्ये १,२०० एमएएच क्षमतेची बॅटरी देण्यात आली आहे. याच्या व्यावहारिक डिझाइनमध्ये आणखी भर घालते ते म्हणजे याला असलेला टाइप-सी चार्जिंग सपोर्ट, ज्यामुळे ग्राहकांना हा फोन वापरणे अधिक सोयीचे होते. या वैशिष्ट्यांनी समृद्ध असलेल्या फोनमध्ये किंग व्हॉईस हे द्विभाषिक व्हॉईस असिस्टन्स वैशिष्‍ट्य देखील आहे, जे इंग्रजी आणि हिंदी अशा दोन्ही भाषांमध्ये लहान मेसेज, मेनू प्रॉम्प्ट्स आणि कॉलची माहिती वाचून दाखवते. तसेच, आयटेल अॅक्‍वा १० प्रादेशिक भाषांना सपोर्ट करतो, ज्यामुळे वेगवेगळ्या भाषिक पार्श्वभूमीच्या वापरकर्त्‍यांना दररोज हा फिचर फोन सहजपणे वापरता येतो.
टिप्पणियाँ
एक टिप्पणी भेजें