निवम ऑर्थोपेडिक्स - सूर्या हॉस्पिटल्स सोबत सहयोग करार

मुंबई: ऑर्थोपेडिक सर्जन्स डॉ. निलेन शाह आणि डॉ. मनन शाह यांनी स्थापन केलेल्या निवम ऑर्थोपेडिक्सने मुंबई येथे विशेष ऑर्थोपेडिक केंद्रांचे नेटवर्क उभारण्यासाठी सूर्या हॉस्पिटल सोबत सहयोग केला आहे. सांताक्रूझ आणि चेंबूर येथील केंद्रे आधीच कार्यान्वित झाली आहेत, तसेच सांताक्रूझ मधील प्रमुख केंद्राचे औपचारिक उद्घाटन दसऱ्याच्या शुभ मुहूर्तावर होणार आहे. सर्वसमावेशक आणि रुग्णकेंद्रित उपचार देण्यासाठी डिझाइन करण्यात आलेल्या या केंद्रांमध्ये आधुनिक वैद्यकीय तंत्रज्ञान आणि ऑर्थोपेडिक स्पेशालिस्ट्स सेवांचे उत्तम संयोजन आहे. वर्षाच्या अखेरीस कांदिवलीमध्ये एका केंद्रासह या नेटवर्कचा आणखी विस्तार होण्याची अपेक्षा आहे, ज्यानंतर दक्षिण मुंबईतील केंद्र सुरू करण्यात येईल.

हा सहयोग निवमचे विशेष ऑर्थोपेडिक कौशल्य आणि सूर्या हॉस्पिटल्सच्या प्रस्थापित वैद्यकीय पायाभूत सुविधा व बहुविद्याशाखीय क्षमतेला एकत्र आणतो. ही केंद्रे सांध्यांचे विकार, मणक्याचे आजार, क्रीडा दुखापती आणि ऑर्थोपेडिक ट्रामा यासाठी उपचार देतील, ज्यामध्ये प्राथमिक व गुंतागुंतीचे सांधे रोपण, रिव्हिजन प्रक्रिया, तसेच रोबोटिक-साहाय्यित आणि मिनिमली इन्व्हेसिव्ह शस्त्रक्रियांचा समावेश आहे.

तपासणी आणि उपचार नियोजनापासून शस्त्रक्रिया, शस्त्रक्रियेदरम्यान व शस्त्रक्रियेनंतर काळजी, फिजिओथेरपी आणि पुनर्वसनापर्यंत रुग्णाच्या संपूर्ण प्रवासात हे उपचार उपलब्ध असतील. सखोल तपासणीनंतर केवळ वैद्यकीयदृष्ट्या आवश्यक असणाऱ्या रुग्णांवर शस्त्रक्रिया केली जाईल. तसेच ही केंद्रे विना-शस्त्रक्रिया उपचारांसाठीही सक्षम विभाग चालवतील. रुग्णाची योग्य निवड, सुरक्षितता आणि बरे होण्यावर भर देऊन उपचारांचे पर्याय वैयक्तिक वैद्यकीय गरजांनुसार निश्चित केले जातील.

डॉ.भूपेंद्र एस.अवस्थी, फाऊंडर-चेअरमन आणि मॅनेजिंग डायरेक्टर, सूर्या हॉस्पिटल्स म्हणाले,"निवम ऑर्थोपेडिक्ससोबत आमचा सहयोग मुंबईतील सूर्याच्या सर्व केंद्रांमध्ये अतिरिक्त विशेष ऑर्थोपेडिक कौशल्य घेऊन येत आहे. पेडियाट्रिक ऑर्थोपेडिक उपचारांसाठी सूर्या आधीपासून ओळखले जाते, तसेच सांधे रोपणासह सांधे व ऑर्थोपेडिक समस्यांमध्ये महिलांचे प्रमाण जवळपास ८० टक्‍के असल्याने आमच्या विशेष सेवांचा हा स्वाभाविक विस्तार आहे. डॉ.निलेन शाह आणि डॉ. मनन शाह यांनी सांधे रोपण आणि सर्वसमावेशक ऑर्थोपेडिक उपचारांचे केंद्रित मॉडेल विकसित केले आहे. एकत्रित, आमचा या सेवा आमच्या हॉस्पिटल्समध्ये अधिक सहज उपलब्ध करण्याचा आणि उपचारांच्या व बरे होण्याच्या प्रत्येक टप्प्यावर रुग्णांना सहकार्य करण्याचा मनसुबा आहे."