क्रिकेटप्रेमींना टी२० वर्ल्ड कप ट्रॉफी जवळून पाहण्याची अभूतपूर्व संधी
मुंबई। क्रिकेटप्रेमी २०२६ आयसीसी पुरुष टी-२० विश्वचषकाच्या तयारीत असताना, आंतरराष्ट्रीय क्रिकेट परिषद (आयसीसी) सोबत ह्युंदाई मोटर कंपनीच्या बहुवर्षीय प्रीमियर पार्टनरशीप अंतर्गत ह्युंदाई मोटर इंडिया लिमिटेड यांनी ‘ह्युंदाई ट्रॉफी कनेक्ट’ या विशेष उपक्रमाची घोषणा केली. या उपक्रमांतर्गत २०२६ आयसीसी पुरुष टी-२० विश्वचषकाची ट्रॉफी २८ जानेवारी ते १ फेब्रुवारी २०२६ दरम्यान मुंबई, बेंगळुरू आणि गुरुग्राम या भारतातील तीन प्रमुख शहरांमध्ये प्रदर्शित केली जाणार आहे. ही प्रतिष्ठित २०२६ आयसीसी पुरुष टी-२० विश्वचषक ट्रॉफी क्रिकेटप्रेमी आणि भेट देणाऱ्या चाहत्यांना जवळून पाहण्याची तसेच संस्मरणीय छायाचित्रे टिपण्याची एक अनोखी संधी देणार आहे.
या अनुभवाला अधिक आकर्षक बनवण्यासाठी, देशातील सर्वाधिक लोकप्रिय एसयूव्ही ह्युंदाई क्रेटा देखील प्रदर्शनासाठी ठेवण्यात येणार असून, क्रिकेटच्या उत्सवाबरोबरच ह्युंदाईच्या प्रगत एसयूव्ही तंत्रज्ञानाचा अनुभव घेण्याची संधी चाहत्यांना मिळणार आहे.
ह्युंदाई ट्रॉफी कनेक्टविषयी बोलताना, ह्युंदाई मोटर इंडिया लिमिटेडचे मार्केटिंग प्रमुख विराट खुल्लर म्हणाले, “भारतामध्ये क्रिकेट हा केवळ एक खेळ नाही, तर कोट्यवधी लोकांना एकत्र आणणारी एक भावना आहे. ‘ड्रिव्हन बाय पॅशनस’ या मूल्याने प्रेरित होऊन, आयसीसी आणि २०२६ आयसीसी पुरुष टी-२० विश्वचषक ट्रॉफीच्या या विशेष प्रदर्शनाच्या माध्यमातून ह्युंदाई क्रिकेटप्रेमींना त्यांच्या आवडत्या खेळाच्या अधिक जवळ आणण्याचा प्रयत्न करत आहे. अशा चाहताकेंद्रित उपक्रमांद्वारे, क्रिकेट जगभरात निर्माण करत असलेली आवड, अभिमान आणि एकतेची भावना अधोरेखित करणारे अर्थपूर्ण अनुभव देण्याची आमची वचनबद्धता आम्ही पुन्हा एकदा अधोरेखित करत आहोत.”
या प्रसंगी प्रतिक्रिया देताना, आयसीसीचे चीफ कमर्शियल ऑफिसर अनुराग दहिया म्हणाले, “ह्युंदाई ट्रॉफी कनेक्टच्या माध्यमातून मुंबई, बेंगळुरू आणि गुरुग्राम येथील क्रिकेटप्रेमींना आयसीसी पुरुष टी-२० विश्वचषक ट्रॉफी अधिक जवळून अनुभवण्याची संधी मिळत असल्याचा आम्हाला आनंद आहे. हा उपक्रम खेळाच्या त्या अद्वितीय शक्तीचा उत्सव आहे, जी कोट्यवधी लोकांना एकत्र आणते, तसेच जागतिक क्रिकेटमधील सर्वात प्रतिष्ठित प्रतीकांपैकी एका ट्रॉफीशी चाहत्यांना जोडण्याची दुर्मिळ संधी प्रदान करते. ही भागीदारी ह्युंदाई आणि आयसीसी यांच्यातील एका अर्थपूर्ण प्रवासाची सुरुवात दर्शवते, ज्यामध्ये आम्ही मिळून चाहत्यांचा सहभाग अधिक दृढ करू, क्रिकेटवरील प्रेम अधिक व्यापक पातळीवर पोहोचवू आणि स्टेडियमच्या पलीकडे जाऊन क्रिकेटला त्याच्या सर्वाधिक उत्कट चाहत्यांच्या हृदयापर्यंत घेऊन जाऊ. ह्युंदाईसोबतच्या या भागीदारीबाबत आम्ही अत्यंत उत्साहित आहोत आणि क्रिकेटप्रेमींसाठी अविस्मरणीय क्षण निर्माण करण्यास उत्सुक आहोत.”
ह्युंदाईच्या मोबिलिटीच्या पलीकडे जाऊन चाहत्यांशी नाते जोडण्याच्या तत्त्वज्ञानाशी सुसंगतपणे, कंपनीने अनेक आकर्षक ऑन-ग्राऊंड एंगेजमेंट अॅक्टिव्हिटीजचे नियोजन केले आहे. या प्रदर्शनातील प्रमुख आकर्षण ठरणार आहे ‘दीवानगी मीटर’, ज्यामध्ये चाहते क्रिकेटबद्दलची आपली आवड आणि उत्साह व्यक्त करू शकतील तसेच आयसीसी पुरुष टी-२० विश्वचषक सामन्यांची तिकिटे जिंकण्याची संधी मिळवू शकतील.
यासोबतच, भेट देणाऱ्या चाहत्यांना क्रिकेट स्टेडियम-शैलीतील सेटअप, क्रिकेट-प्रेरित फोटो ऑप्स आणि व्हीआर क्रिकेट गेम यांसारख्या तल्लीन करणाऱ्या अनुभवांचा आनंद घेता येईल. या सर्व उपक्रमांमुळे प्रतिष्ठित ट्रॉफीभोवती अविस्मरणीय क्षण निर्माण होतील आणि क्रिकेटप्रेमींना एक वेगळाच उत्साही अनुभव मिळेल.
टिप्पणियाँ
एक टिप्पणी भेजें