मुंबई। चविष्ट सँडविचेस आणि वैविध्यपूर्ण मेनूसाठी नावाजला जाणारा, मुंबईतच सुरु झालेला, ग्राहकांना झटपट सेवा देणारा ब्रँड सॅन्डविझ्झाने आता मालाडमध्ये आणखी एक नवे आउटलेट सुरु केले आहे. मुंबईमध्येच सुरु झालेला हा ब्रँड मुंबईत सातत्याने विस्तार करत असून हे अजून एक महत्त्वाकांक्षी पाऊल त्यांनी उचलले आहे.
अगदी सुरुवातीपासूनच, सॅन्डविझ्झाने ग्राहकांच्या दैनंदिन जीवनाचा एक भाग बनून स्वतःची अनोखी ओळख निर्माण केली. झटपट मिळणारे पदार्थ, हमखास आवडणाऱ्या चवी आणि दर्जा राखण्यातील सातत्य यामुळे हे ठिकाण लोकांच्या पसंतीस उतरले. मालाड आउटलेटमध्ये देखील याच धोरणाचा अवलंब केला जात आहे म्हणूनच निवासी वस्त्या, कार्यालये, महाविद्यालये आणि मोठ्या प्रमाणात होणारी लोकांची वर्दळ मालाडमध्ये त्यांनी आपले केंद्र सुरू केले आहे.
या विस्ताराबाबत चर्चा करताना सॅन्डविझ्झाचे संचालक पंकज शर्मा म्हणाले, "मुंबईला आम्ही नेहमीच सॅन्डविझ्झाच्या प्रवासाचा केंद्रबिंदू मानत आलो आहोत. मुंबईतील प्रत्येक आउटलेट आमच्यासाठी वैयक्तिकरित्या खास आहे, कारण ते आमच्या ग्राहकांच्या गरजा आणि त्यांच्या खाण्याच्या सवयी लक्षात घेऊन सुरू करण्यात आले आहे. मालाड हे एक असे ठिकाण आहे जिथे लोक सुविधा, परिचित चव आणि योग्य किंमत या गोष्टींना महत्त्व देतात — आणि हे सॅन्डविझ्झाच्या मूळ उद्दिष्टांशी तंतोतंत जुळणारे आहे."
मालाडच्या या नवीन आउटलेटमध्ये सॅन्डविझ्झाचे सर्व प्रकारचे शाकाहारी सँडविच, फ्राईज आणि शीतपेये मिळतील. नेहमीप्रमाणेच हे सर्व पदार्थ दर्जेदार आणि परवडणाऱ्या दरात असतील. खाण्यासोबतच इथे मिल्कशेक, फ्रॅपे, चहा आणि कॉफीचा आनंदही घेता येईल. या दुकानाची रचना अशी केली आहे की ग्राहक सहजपणे येऊन झटपट नाश्ता करू शकतील. कामाच्या गडबडीत अगदी थोडा वेळ थांबून देखील चांगले चविष्ट खाण्यासाठी हे एक उत्तम ठिकाण असेल. हलका आहार मिळणारे आणि वारंवार भेटी देण्यासाठी उत्तम ठिकाण अशी याची ओळख निर्माण होईल.
मालाडमधील नवीन आउटलेटसह, सॅन्डविझ्झाने मुंबईभर विस्ताराची आगेकूच कायम ठेवली आहे. आपल्या परिसरातील ग्राहकांच्या आवडीनिवडींना प्राधान्य देण्याचे वैशिष्ट्य जपत, एका विचारपूर्वक आणि शाश्वत विस्तार धोरणाद्वारे ब्रँडची वाटचाल सुरू आहे. नुकतेच सॅन्डविझ्झाला झोमॅटोचा 'बेस्ट फास्ट फूड' पुरस्कार देऊन गौरवण्यात आले आहे. मुंबईच्या 'क्विक सर्व्हिस रेस्टॉरंट' क्षेत्रात हे एक अत्यंत महत्त्वाचे यश मानले जाते.
टिप्पणियाँ
एक टिप्पणी भेजें