भारताच्या स्वच्छ ऊर्जा मोहिमेला चालना देण्यासाठी टाटा पॉवर–सेल्सफोर्स करार

·   देशभरातील रूफटॉप सोलर, ईव्ही चार्जिंग आणि स्मार्ट ऊर्जा व्यवस्थापन व्यवसायांना डिजिटल बळ देण्यासाठी धोरणात्मक सहकार्य

·   भागीदार आणि ग्राहकांसाठी अखंड अनुभव निर्माण करताना, हरित ऊर्जा क्षमतेचा विस्तार वेगाने आणि अचूकतेने करण्यासाठी टीम्सना सक्षम करणे

 

मुंबई। भारतातील सर्वात मोठ्या उभ्या एकात्मिक वीज कंपन्यांपैकी एक असलेल्या टाटा पॉवरने आज जगातील क्रमांक 1 AI CRM कंपनी सेल्सफोर्ससोबत सहकार्य जाहीर केले आहे. या सहकार्याचा उद्देश टाटा पॉवरच्या झपाट्याने वाढणाऱ्या रूफटॉप सोलर (RTS), ईव्ही चार्जिंग आणि स्मार्ट होम सोल्यूशन्स व्यवसायांचे डिजिटल रूपांतर करणे हा आहे. हे सहकार्य भारताच्या नेट-झिरो उद्दिष्टांशी सुसंगत असलेल्या टाटा पॉवरच्या दीर्घकालीन स्वच्छ ऊर्जा रोडमॅपला अधिक बळ देणार आहे. कृत्रिम बुद्धिमत्ता (AI), ऑटोमेशन आणि डेटा-आधारित अंतर्दृष्टींच्या साहाय्याने सुरक्षित, स्मार्ट आणि पूर्णपणे एकात्मिक स्वच्छ ऊर्जा परिसंस्था उभारण्यावर याचा भर असेल. या प्लॅटफॉर्ममुळे नवीकरणीय ऊर्जा मूल्यसाखळीमध्ये विस्तारक्षम वाढ, भागीदार आणि ग्राहकांसोबत अधिक सखोल संवाद आणि कार्यक्षमतेत उत्कृष्टता साध्य करण्यास मदत होणार आहे. असे टाटा पॉवरचे मुख्य कार्यकारी अधिकारी आणि व्यवस्थापकीय संचालक  डॉ. प्रवीर सिन्हा आणि सेल्सफोर्स च्या दक्षिण आशियाचे मुख्य कार्यकारी अधिकारी अरुंधती भट्टाचार्य यांनी पत्रकार परिषद मध्ये सांगितले.

 

या डिजिटल परिवर्तनाचा एक भाग म्हणून, टाटा पॉवरने आपल्या नवीकरणीय ऊर्जा उपकंपनी टाटा पॉवर रिन्यूएबल एनर्जी लिमिटेड (TPREL) मध्ये एजंटफोर्स सेल्स, एजंटफोर्स सर्व्हिस आणि एजंटफोर्स मार्केटिंग  यांची अंमलबजावणी केली आहे. सेल्सफोर्स प्लॅटफॉर्म बुद्धिमान आणि AI-सक्षम कार्यप्रवाहांना  चालना देतो, ज्यामुळे कामकाजातील पारदर्शकता वाढते, निर्णयप्रक्रिया अधिक वेगवान होते आणि सर्व चॅनेलवर अखंड ग्राहक अनुभव मिळतो. यामुळे मोठ्या प्रमाणावर कार्यक्षमता, चपळता आणि सेवा क्षेत्रातील नेतृत्व अधिक बळकट होते.

 

एजंटफोर्स सेल्स आणि एजंटफोर्स सर्व्हिस हे टाटा पॉवरच्या अत्याधुनिक ऑम्नीचॅनल एंगेजमेंट मॉडेलचे मजबूत पायाभूत घटक आहेत. सेल्सफोर्स टाटा पॉवरच्या वेगाने वाढणाऱ्या नवीकरणीय ऊर्जा व्यवसायांसाठी एक महत्त्वाचा डिजिटल आधारस्तंभ म्हणून काम करते. हा प्लॅटफॉर्म भागीदार आणि ग्राहकांच्या संपूर्ण प्रवासाचे एंड-टू-एंड डिजिटायझेशन सक्षम करतो. यामुळे लीड मॅनेजमेंट सुलभ करणे, इन्व्हेंटरीची स्पष्ट माहिती मिळवणे, प्रक्रियांचे ऑटोमेशन आणि रिअल-टाइम कार्यप्रदर्शन ट्रॅकिंग शक्य होते. परिणामी सर्व टचपॉइंट्सवर अधिक पारदर्शकता, कार्यक्षमतेत वाढ आणि उत्कृष्ट ग्राहक अनुभव सुनिश्चित होतो.

 

याशिवाय, टाटा पॉवरने सेल्सफोर्स प्लॅटफॉर्मवर एक खास डीप लर्निंग आणि एजेंटिक इंटेलिजन्स लेयर विकसित केला आहे, ज्यामुळे झिरो-टच गुणवत्ता आणि सुरक्षा पडताळणी प्रक्रिया सक्षम होते. ही डिजिटल क्षमता स्थळावर त्वरित पडताळणी आणि स्वयंचलित वॉरंटी जनरेशन सुलभ करते. यामुळे टाटा पॉवरच्या सोलारूफ सेवांअंतर्गत गुणवत्ता हमी आणि उत्कृष्ट सेवा वितरणाविषयीची बांधिलकी अधिक बळकट होते.

 

प्रधानमंत्री सूर्य घर योजना अंतर्गत मिळालेल्या मजबूत धोरणात्मक पाठबळामुळे टाटा पॉवरच्या निवासी रूफटॉप सोलर विभागाने मागील दोन आर्थिक वर्षांत 200% पेक्षा अधिक वाढ नोंदवली आहे. एकूणच, कंपनीच्या सोलर पोर्टफोलिओच्या उत्पन्नात FY2020 ते FY2025 दरम्यान पाचपट वाढ झाली आहे. यामागे बाजारपेठेत वाढती स्वीकार्यता, डिजिटल-आधारित अंमलबजावणीतील उत्कृष्टता आणि विविध ग्राहक विभागांमध्ये वाढत असलेला विश्वास हे प्रमुख घटक आहेत.

 

पुढे पाहता, टाटा पॉवर आणि सेल्सफोर्स एकत्रितपणे उच्च परिणामकारक, एजेंटिक AI-आधारित वर्कफ्लोज विकसित करण्यासाठी सहकार्य करणार आहेत, ज्यामुळे ऑम्नीचॅनल ग्राहक आणि भागीदार संपर्क केंद्रांच्या कार्यपद्धतीत परिवर्तन घडवण्याचा उद्देश आहे. या उपक्रमामुळे जलद समस्या निराकरण, सक्रिय सेवा आणि सक्षम होऊन ग्राहक आणि भागीदारांना अधिक कार्यक्षम आणि दर्जेदार अनुभव मिळेल.

 

या घोषणेवर प्रतिक्रिया देताना, टाटा पॉवरचे मुख्य कार्यकारी अधिकारी आणि व्यवस्थापकीय संचालक डॉ. प्रवीर सिन्हा म्हणाले, “टाटा पॉवर देशभरात रूफटॉप सोलरचा विस्तार, ईव्ही चार्जिंग पायाभूत सुविधांचा विकास आणि स्मार्ट ऊर्जा व्यवस्थापन उपायांची प्रगती करत भारताच्या हरित ऊर्जा संक्रमणाचे नेतृत्व करत आहे. या वाढीला गती देताना डिजिटल क्षमता ही प्रमाण, वेग आणि ग्राहकांचा विश्वास वाढवण्यासाठी अत्यंत महत्त्वाची भूमिका बजावते. सेल्सफोर्सच्या AI-आधारित प्लॅटफॉर्मचा लाभ घेत, आम्ही ग्राहक आणि भागीदारांच्या प्रवासात अधिक पारदर्शकता आणि चपळता आणत आहोत, तसेच कार्यप्रणालीतील उत्कृष्टताही अधिक मजबूत करत आहोत. एकत्रितपणे, आम्ही भारताच्या नेट-झिरो उद्दिष्टांना पुढे नेणारी भविष्योन्मुख स्वच्छ ऊर्जा परिसंस्था उभारत आहोत.”

 

या संदर्भात सेल्सफोर्स च्या दक्षिण आशियाचे मुख्य कार्यकारी अधिकारी अरुंधती भट्टाचार्य म्हणाल्या, “शाश्वत भविष्यासाठीचा मार्ग त्या दूरदर्शी संस्थांकडून तयार केला जात आहे, ज्या त्यांच्या कार्यपद्धतीच्या केंद्रस्थानी बुद्धिमत्ता, चपळता आणि ग्राहक-केंद्रितता समाविष्ट करत आहेत. भारताच्या हरित ऊर्जा मोहिमेला गती देण्यासाठी टाटा पॉवरचा डिजिटल-फर्स्ट दृष्टिकोन हे तंत्रज्ञान राष्ट्रीय परिवर्तनासाठी किती प्रभावी साधन ठरू शकते याचे उत्कृष्ट उदाहरण आहे. सेल्सफोर्स मध्ये आम्हाला टाटा पॉवर सोबत भागीदारी करताना अभिमान वाटतो. डेटा, AI आणि ऑटोमेशनची शक्ती वापरून विस्तारक्षम परिणाम, सर्वसमावेशक विकास आणि दीर्घकालीन हवामान स्थैर्य साध्य करणारी भविष्योन्मुख ऊर्जा परिसंस्था उभारण्यासाठी आम्ही एकत्र काम करत आहोत.”