मधुमेह व वजन नियंत्रणासाठी नवी दिशा
मुंबई। अल्केम लॅबोरेटरीज लिमिटेडने भारतात ‘सेमासाइज', ‘ओबेसेमा' आणि ‘हेपाग्लाइड' या ब्रँड नावांनी सेमाग्लुटाइड इंजेक्शनच्‍या लाँचची घोषणा केली आहे. सेमाग्लुटाइड हे आठवड्यातून एकदा त्वचेखाली टोचले जाणारे इंजेक्शन आहे.
कंपनीने आपले सेमाग्लुटाइड प्री-फिल्ड डिस्पोजेबल इंजेक्शन पेन एका महिन्याच्या डोससाठी १८०० रुपयांपासून सुरू होणाऱ्या किमतीत उपलब्ध करून दिले आहे, ज्याचा साप्‍ताहिक खर्च ४५० रुपये इतका होतो. अल्‍केमचा या परवडणाऱ्या किमतीद्वारे भारतात या उपचारांची सुरुवात करण्यातील अडथळे दूर करण्‍याचा आणि उपचारांची उपलब्धता वाढवण्‍याचा मनसुबा आहे.
अल्केमने भारतात घेतलेल्या फेज ३ क्लिनिकल चाचण्यांच्या पुनरावलोकनानंतर ड्रग कंट्रोलर जनरल ऑफ इंडिया (डीसीजीआय)कडून टाइप २ डायबेटिस मेलिटस आणि आहार व व्यायामाला पूरक म्हणून दीर्घकालीन वजन व्यवस्थापनासाठी सेमाग्लुटाइडच्या उत्पादन आणि विक्रीसाठी मंजूरी मिळवली आहे. सेमाग्लुटाइड हे प्रिस्क्रिप्शनेच मिळणारे औषध आहे आणि फक्त योग्य वैद्यकीय देखरेखीखाली घेतले पाहिजे.
डिस्पोजेबल पेनव्यतिरिक्त अल्केम उच्च देखभालीच्या डोससाठी पुन्हा वापरता येणारे इंजेक्शन पेन देखील उपलब्ध करून देत आहे. हे पुन्हा वापरता येणारे इंजेक्शन पेन रुग्णांना प्रत्येक वेळी नवीन डिस्पोजेबल इंजेक्शन पेन खरेदी करण्याऐवजी फक्त औषधाचे कार्ट्रिज बदलण्याची सुविधा देते. यामुळे उपचारांचा खर्च कमी होतो आणि रुग्णांना उपचारांचे सातत्य राखण्यास मदत होते.
या लाँचबाबत मत व्‍यक्त करत अल्केमचे मुख्य कार्यकारी अधिकारी डॉ. विकास गुप्‍ता म्हणाले, “आमचा विश्वास आहे की, उपचाराचा खर्च सर्वसामान्‍यांना परवडणारा असेल तरच उपचारांमधील प्रगतीचा खरा परिणाम दिसून येतो. आम्ही स्वतः विकसित केलेले सेमाग्लुटाइड बाजारात आणल्यामुळे आता उच्च दर्जाचे आणि परवडणारे उपचार उपलब्ध होत आहेत. यामुळे आरोग्यसेवा पुरवठादारांना हे उपचार अधिक गरजू रुग्णांपर्यंत पोहोचवणे शक्य होईल. आमचे प्रबळ वितरण नेटवर्क आणि रुग्णांसाठी सोयीस्कर असलेल्या डिवाईसेसच्‍या माध्‍यमातून आमचा हे उत्पादन अधिकाधिक व्‍यक्तींपर्यंत पोहोचवण्‍याचा आणि सर्वांगीण आरोग्य सुधारण्यात योगदान देण्‍याचा मनसुबा आहे.''
टिप्पणियाँ
एक टिप्पणी भेजें