फॉर्च्युनने स्वयंपाक घरातील सामायिक जबाबदारीवर जाहिरात प्रकाशित केली

आंतरराष्ट्रीय महिला दिनानिमित्त फॉर्च्युनची जाहिरात प्रकाशित

मुंबई। आंतरराष्ट्रीय महिला दिनाच्या पार्श्वभूमीवर एडब्ल्यूएल अ‍ॅग्री बिझनेस लिमिटेडच्या (पूर्वीचे अदानी विल्मर) खाद्यतेलाचा प्रमुख ब्रँड फॉर्च्युनने एक डिजिटल जाहिरात प्रदर्शित केली आहे. यात घरातील जबाबदाऱ्यांच्या सामायिक वाटपाचे महत्त्व अधोरेखित करण्यात आले आहे. पती-पत्नीमधील एका छोट्या संभाषणाचा आधार घेत, रोजच्या जगण्यातील स्त्री-पुरुषांच्या जबाबदाऱ्यांबद्दल भाष्य केले आहे. प्रेक्षकांना घरगुती जबाबदाऱ्यांमध्ये सहभागी होण्यासारख्या छोट्या छोट्या गोष्टी चांगली भागीदारी निर्माण करण्यात कसे योगदान देऊ शकतात यावर विचार करण्यास जाहिरात प्रोत्साहित करते.

स्वयंपाकघर हे नेहमीच महिलांचे कार्यक्षेत्र म्हणून पाहिले जाते, या कल्पनेभोवतीच फॉर्च्युनची महिला दिनानिमित्त केलेली जाहिरात बांधली आहे. यात रोजच्या जगण्यातील एक नेहमीचा प्रसंग मांडण्यात आला आहे. एके दिवशी नवरा बायकोला आराम करायला सांगून स्वतः स्वयंपाक करण्याचे ठरवतो. पण स्वयंपाकाला लागल्यावर त्याला हे लक्षात येते की, यासाठी आवश्यक असलेले पीठ, तेल आणि कोथिंबीर हे पदार्थ कुठे ठेवले आहेत हे तर त्याला माहीतच नाही. तेव्हा त्याची पत्नी त्याला एका गोष्टीची जाणीव करून देते, ती म्हणजे, स्वयंपाक करणे हे प्रामुख्याने बाईचे काम मानले जात असल्याने कुठे, काय ठेवले आहे याची माहिती त्यांनाच असते. त्यामुळे स्वयंपाकघराचे व्यवस्थापन करण्यासाठी आवश्यक प्रयत्न आणि ज्ञान बहुतेकदा गृहीत धरले जाते.

मुकेश मिश्रा, विक्री आणि विपणन विभागाचे संयुक्त अध्यक्ष, एडब्ल्यूएल अ‍ॅग्री बिझनेस लिमिटेड म्हणाले, "कुटुंबांमध्ये एकता, प्रेम आणि सांस्कृतिक एकोपा वाढवण्यासाठी आम्ही नेहमीच "घर का खाना" (घरगुती जेवणावर) भर दिला आहे. आंतरराष्ट्रीय महिला दिन हा केवळ महिलांचा दिवस साजरा करण्याबद्दल नाही तर महिला पार पाडत असलेल्या दैनंदिन जबाबदाऱ्यांची जाणीव ठेवण्याबद्दलही आहे. या नवीन जाहिरातीच्या माध्यमातून, कुटुंबांना घरातील भूमिका सामायिक करण्यास आणि जेवण बनवण्यासाठी प्रत्येकाने केलेल्या प्रयत्नांची प्रशंसा करण्यासाठी फॉर्च्युन प्रेरित करते. शेवटी, जेव्हा प्रत्येकजण कुटुंबाच्या कल्याणासाठी योगदान देतो तेव्हा 'घर का खाना' खरोखरच खास बनते."

जेव्हा स्वयंपाकघर ही प्रत्येकाला आपली जबाबदारी वाटेल, तेव्हाच घरातील अन्न हे 'घर का खाना' बनेल, असा साधा पण प्रभावी संदेश देत या जाहिरातीचा शेवट करण्यात आला आहे. घरात काम करणाऱ्याला समजून घेणे, घरातील कामात सहभाग घेणे आणि जबाबदारीचे सामायिक वाटप करणे, यामुळेच घरात काम करणाऱ्यांची किंमत ठेवली जाते. या उपक्रमाद्वारे, फॉर्च्युन यावरच भर देते.