‘राजा शिवाजी’च्या ट्रेलरला अक्षय कुमार, करण जोहर, नागराज मंजुळे, आदित्य सरपोतदार आणि इतर अनेक दिग्गजांची पसंती

मुंबई। 'जिओ स्टुडिओज' आणि 'मुंबई फिल्म कंपनी' निर्मित ‘राजा शिवाजी’ या बहुप्रतिक्षित ऐतिहासिक चित्रपटाचा ट्रेलरला २० एप्रिल रोजी प्रदर्शित झाल्यापासून सोशल मीडियावर प्रचंड प्रतिसाद मिळत आहे. अभिनेता, दिग्दर्शक, निर्माता आणि लेखक अशा अनेक जबाबदाऱ्या समर्थपणे पेलणाऱ्या रितेश विलासराव देशमुख यांनी साकारलेला हा चित्रपट भारताचे महान योद्धे आणि ‘हिंदवी स्वराज्य'चे  संस्थापक छत्रपती शिवाजी महाराज यांच्या जीवनकार्यावर आणि वारशावर आधारित आहे.

ॲक्शन, भावना आणि भव्य दृश्यांनी सजलेल्या ‘राजा शिवाजी’च्या ट्रेलरने प्रदर्शित होताच सर्वत्र चर्चांना उधाण आणले आहे. या ट्रेलरने प्रेक्षकांमध्ये उत्सुकता निर्माण करत सोशल मीडियावर मोठी चर्चा रंगवली असून, मराठी आणि हिंदी चित्रपटसृष्टीतील अनेक दिग्गज कलाकारांनीही या अनोख्या सिनेमॅटिक अनुभवाचे भरभरून कौतुक केले आहे. अभिनेता अक्षय कुमार, निर्माता करण जोहर, दिग्दर्शक नागराज मंजुळे ते आदित्य सरपोतदार यांच्यासह अनेक सेलिब्रिटींनी ट्रेलरबद्दल आपल्या प्रतिक्रिया व्यक्त करत चित्रपटाच्या भव्यतेचे आणि आशयाचे कौतुक केले आहे. ‘राजा शिवाजी’च्या या दमदार ट्रेलरबद्दल नेमके हे दिग्गज काय म्हणाले, याकडे सध्या चाहत्यांचे विशेष लक्ष लागले आहे.

अभिनेता अक्षय कुमार - “माझा मित्र @riteishd याला ‘राजा शिवाजी’ या चित्रपटातील अभिनय, लेखन, दिग्दर्शन आणि निर्मितीसाठी मनापासून दाद (shoutout)! ही कथा आपल्या इतिहासात अत्यंत खोलवर रुजलेली आहे. असे स्वप्न पाहण्यासाठी प्रचंड ध्यास लागतो आणि ते प्रत्यक्षात उतरवण्यासाठी तर त्याहूनही अधिक जिद्द लागते. सुंडी... तुला केवळ आणि केवळ ‘ब्लॉकबस्टर’ यशाच्याच शुभेच्छा!”

चित्रपट निर्माता करण जोहर - “अप्रतिम!!!!! @riteishd @geneliad”

चित्रपट निर्माता नागराज मंजुळे - “मनापासून अभिनंदन!! भारी!!”

दिग्दर्शक आदित्य सरपोतदार - “वर्षानुवर्षांचा ध्यास. आयुष्यभर जपलेले एक स्वप्न. @riteishd, हे स्वप्न अखेर तू प्रत्यक्षात उतरवताना पाहून मला खूप आनंद झाला आहे. आपले महान छत्रपती शिवाजी महाराज यांच्यावरील चित्रपटाला खरोखरच अशा भव्यतेची आणि अशा व्यापक दृष्टीकोनाची गरज होती. हा ट्रेलर अत्यंत प्रभावी आहे आणि प्रत्येक अर्थाने भव्य दिसत आहे. हा चित्रपट खरोखरच खूप खास आहे. संपूर्ण टीमचे अभिनंदन!”

दिग्दर्शक सुभाष घई - “कल्पना करा, जर ट्रेलर इतका जबरदस्त असेल, तर चित्रपट कसा असेल! चित्रपटगृहांमध्ये एक केवळ जादुई अनुभव... हेच आहे #RAJASHIVAJI. लेखक, दिग्दर्शक आणि अभिनेता #RITEISHDESHMUKH याने बनवलेला आणि ज्योती देशपांडे यांनी ‘जिओ’साठी निर्मित केलेला हा चित्रपट... अत्यंत उत्कटतेने आणि पूर्णपणे राष्ट्रभक्तीच्या ऊर्जेने भारलेला आहे. मला ते स्पष्टपणे दिसून येत आहे 🤗 हा चित्रपट उत्कृष्ट ठरावा यासाठी संजय दत्त, अभिषेक बच्चन आणि संपूर्ण चित्रपटसृष्टीतील कलाकारांनी मनापासून पाठिंबा दिला आहे. हा चित्रपट लवकरच पाहण्यासाठी मी उत्सुक आहे. माझे आशीर्वाद सदैव तुमच्या पाठीशी आहेत.”

दिग्दर्शक कुकी गुलाटी - “हे खरोखरच अविश्वसनीय आहे!! ब्लॉकबस्टर!!”

दिग्दर्शक मिलाप झवेरी - “१ मे रोजी, हा चित्रपट संपूर्ण जगभरात ‘महा-ब्लॉकबस्टर’ ठरेल.”

अभिनेता सोनू सूद - “माझा भाऊ @riteishd याला प्रचंड यशासाठी शुभेच्छा. हा चित्रपट नक्कीच ब्लॉकबस्टर ठरेल, भावा. यातील प्रत्येक फ्रेममध्ये तुझे समर्पण आणि कठोर परिश्रम दिसून येतात.”

अभिनेत्री सोनाली बेंद्रे - “अभिनंदन @geneliad, @riteishd आणि संपूर्ण टीमचे. ट्रेलर अप्रतिम दिसत आहे! हा चित्रपट साकारण्यासाठी तुम्ही किती मेहनत घेतली आहे हे माहीत असल्यामुळे, हा अनुभव आणखीच विशेष वाटतो! तुम्हाला खूप खूप शुभेच्छा!”

अभिनेता सिद्धार्थ जाधव - “हर हर महादेव”

गायक अभिजीत सावंत - “व्वा!!!! जय हो!”

दिग्दर्शक केदार शिंदे - “अभिमान... प्रेम.”

अभिनेत्री प्रिया बापट - “@riteishd मी तुम्हाला नेहमीच एक उत्कृष्ट अभिनेता, एक खरोखरच व्यावसायिक कलाकार आणि कथा सांगण्याची मनापासून आवड असलेला एक संवेदनशील कथाकार म्हणून ओळखले आहे. तुमच्या दृष्टिकोनातून साकारलेली, आपले छत्रपती शिवाजी महाराज यांची ती अद्भुत गाथा पाहण्यासाठी मी अत्यंत उत्सुक आहे. आणि जिनिलिया @geneliad, प्रेरणादायी कथा आणि चित्रपटांना नेहमीच पाठिंबा दिल्याबद्दल तुमचे मनापासून आभार. मोठ्या पडद्यावर तुमची ती जादुई उपस्थिती पाहण्यासाठी मी आतुर आहे. तुम्हाला मनःपूर्वक शुभेच्छा... १ मे पासून चित्रपटगृहांमध्ये हा चित्रपट पाहण्यासाठी मी उत्सुक आहे.”

या चित्रपटात हिंदी आणि मराठी चित्रपटसृष्टीतील दिग्गज कलाकारांचा एक जबरदस्त मेळ साधण्यात आला आहे. यामध्ये संजय दत्त, अभिषेक बच्चन, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते आणि जिनिलिया देशमुख यांचा समावेश आहे; तर या या चित्रपटाचे लेखन, दिग्दर्शन, निर्मिती आणि मुख्य भूमिका अशा सर्व जबाबदाऱ्या रितेश विलासराव देशमुख यांनी समर्थपणे सांभाळल्या आहेत.

 

'जिओ स्टुडिओज'द्वारे सादर करण्यात आलेला आणि 'मुंबई फिल्म कंपनी'ची निर्मिती असलेला 'राजा शिवाजी' हा चित्रपट, ज्योती देशपांडे आणि जिनिलिया देशमुख यांनी निर्मित केला आहे. छत्रपती शिवाजी महाराज यांचे जीवन आणि त्यांच्या महान वारशावर आधारित असलेला हा ऐतिहासिक महाकाव्यपट, १ मे २०२६ रोजी जगभरातील चित्रपटगृहांमध्ये मराठी आणि हिंदी अशा दोन्ही भाषांमध्ये प्रदर्शित होणार आहे. भारताच्या गौरवशाली इतिहासाचा भव्यता, भावगर्भता आणि नेत्रदीपक सादरीकरणासह उत्सव साजरा करणारी ही एक महागाथा या चित्रपटाच्या माध्यमातून जिवंत होणार आहे.