मुंबई। आयटेल या आपल्या नवनवीन स्मार्टफोन्स आणि इतर गॅजेट्सच्या माध्यमातून तंत्रज्ञान सहजसाध्य करण्यासाठी ओळखल्या जाणाऱ्या आघाडीच्या इलेक्ट्रॉनिक्स ब्रँडने सायबर मीडिया रिसर्च (सीएमआर)च्या ताज्या अहवालात अव्वल स्थान पटकावले आहे. 'भारतातील डिवाईस मार्केटमध्ये टिकाऊपणा, विश्वासार्हता आणि परवडणाऱ्या किमतीची वाढती भूमिका' या विषयावर हा अहवाल आधारित आहे. विविध श्रेणींमधील टिकाऊपणाची कामगिरी, पोर्टफोलिओची ताकद आणि व्याप्ती या आधारावर आयटेल १० हजार रुपयांखालील श्रेणीत ०.८६ च्या प्रभावी ड्यूरेबिलिटी इंडेक्ससह अव्वल ब्रँड ठरला आहे. यानंतर सॅमसंग (०.७९) आणि विवो (०.७२) यांचा क्रमांक आहे. १५ कोटींहून अधिक ग्राहकवर्ग असलेला आयटेल ब्रँड आज जगभरातील ८० पेक्षा जास्त देशांमध्ये कार्यरत आहे.
सायबर मीडिया रिसर्च (सीएमआर)च्या इंडस्ट्री रिसर्च ग्रुप (आयआरजी)चे उपाध्यक्ष प्रभू राम म्हणाले की, १०,००० रुपयांखालील सेगमेंटमध्ये ग्राहकांच्या प्राधान्यक्रमात मोठा बदल होत असून टिकाऊपणा, विश्वासार्हता आणि परवडणारी किंमत (डीआरए) हे खरेदीचे प्रमुख घटक बनले आहेत. ग्राहक आता मजबूत बांधणी, सातत्यपूर्ण कामगिरी, व्यावहारिक डिझाइन आणि विश्वासार्ह सर्व्हिस असलेले डिव्हाइस पसंत करत आहेत. सीएमआरच्या अभ्यासानुसार, ग्राहक ब्रँडला दीर्घकाळ टिकणारी गुणवत्ता, सुलभ वापर आणि विश्वासार्हतेशी जोडतात, तर उच्च ड्यूरेबिलिटी आणि सुरक्षा मापदंड शहरी व उदयोन्मुख बाजारात खरेदी निर्णयांवर प्रभाव टाकत आहेत.
आयटेलने सीएमआर ड्यूरेबिलिटी इंडेक्समध्ये उत्कृष्ट कामगिरी केली आहे, फिचर फोन्समध्ये ०.६५ आणि स्मार्टफोन्समध्ये ०.८६ गुणांकन मिळवले आहे. विशेषतः विश्वासार्हता आणि सर्व्हिस स्कोअरमध्ये या ब्रँडने सातत्याने उच्चांक गाठला आहे.
आयटेल इंडियाचे सीईओ अरिजीत तालापात्रा म्हणाले की, कंपनीच्या प्रत्येक उत्पादनाच्या केंद्रस्थानी टिकाऊपणा आहे आणि खरे नाविन्य उत्पादन किती काळ टिकते यावर ठरते. सीएमआरकडून मिळालेली मान्यता आयटेलच्या टिकाऊपणा व विश्वासार्हतेची पुष्टी करते, तसेच विविध किंमत श्रेणींमध्ये ब्रँडचे वचन सातत्याने पाळल्याचे दर्शवते.
फिचर फोन विभागात आयटेल ९१% गुणांसह टिकाऊपणात आघाडीवर असून एचएमडी (८९%) आणि लावा (८६%) पुढे आहेत. स्मार्टफोनमध्ये आयटेल ८५% गुणांसह दुसऱ्या, तर विवो ८४% सह तिसऱ्या स्थानावर आहे, ज्यामुळे आयटेलने दोन्ही श्रेणींमध्ये टॉप-३ मध्ये स्थान मिळवले आहे. सध्याच्या वापरकर्त्यांमध्ये परवडणारी किंमत (५८%), विश्वासार्हता (५६%) आणि टिकाऊपणा (५३%) यावर ब्रँड मजबूत ठरतो. तसेच ८५% वापरकर्त्यांना व्हॅल्यू फॉर मनी, ८१% मजबूती, ७९% डिझाइन आणि ७४% विश्वासार्हता मान्य आहे.
स्मार्ट डिव्हाइसेसमध्ये ब्रँडने ०.८८ असा उच्च स्कोअर मिळवत विश्वासार्ह कामगिरी आणि दैनंदिन टिकाऊपणावरचा भर अधोरेखित केला आहे. सर्वेक्षणानुसार ५१% ग्राहक भविष्यात आयटेल फिचर फोन घेण्यास इच्छुक असून एचएमडी (४३%) आणि लावा (२९%) पुढे आहेत. स्मार्टफोनसाठीही ३०% ग्राहकांनी आयटेलला पसंती दर्शवली आहे. सीएमआर अहवालानुसार, भारतात टिकाऊपणा आता खरेदीनंतरचा दिलासा नसून खरेदी निर्णयातील महत्त्वाचा घटक बनला आहे.
नवीन सीएमआर ड्यूरेबिलिटी इंडेक्समध्ये भारतातील १३ शहरांमधील १८ ते ३५ वर्षे वयोगटातील २,०८६ फिचर फोन आणि स्मार्टफोन वापरकर्त्यांचे सर्वेक्षण करण्यात आले. यामध्ये प्रथम, द्वितीय व तृतीय श्रेणीच्या बाजारपेठांसह नवी दिल्ली, मुंबई, लखनऊ, जयपूर, म्हैसूर, कोईम्बतूर, नाशिक, गंगटोक, हरिद्वार आणि भुवनेश्वर या शहरांचा समावेश आहे. हा इंडेक्स खऱ्या आयुष्यातील टिकाऊपणाचे विविध पैलू एकाच गुणांकात सादर करतो, ज्यामुळे डिवाईसची दैनंदिन विश्वासार्हता अचूकपणे दिसून येते. या इंडेक्सचे उच्च मूल्य ग्राहकांचा दृढ विश्वास दाखवते, जो सातत्यपूर्ण कामगिरी आणि खात्रीशीर सर्व्हिस सपोर्टमुळे निर्माण झाला आहे.
टिप्पणियाँ
एक टिप्पणी भेजें