मुंबई। जगातील १२ वी सर्वांत मोठी टाइल्स उत्पादक आणि भारतातील टाइल्स, बाथवेअर; तसेच होम अँड बिल्डिंग सोल्युशन्स क्षेत्रातील अग्रगण्य कंपनी ‘सोमानी सिरॅमिक्स लिमिटेड’ने आपल्या नवीन ब्रँड ओळखीचे अनावरण केले आहे. घराच्या आणि इमारतीच्या बांधकामासाठी लागणाऱ्या सर्व गरजा एकाच छताखाली पूर्ण करणारे केंद्र म्हणून स्वतःला सिद्ध करण्याच्या प्रवासातील हा एक महत्त्वाचा टप्पा आहे.
ही नवीन ओळख ‘सोमानी’चा गेल्या पाच दशकांतील प्रवास अधोरेखित करते. केवळ टाइल्स उत्पादक ते आधुनिक जीवनशैलीला आकार देणारा ब्रँड असा हा वेगवान बदल आहे. कंपनीचा विस्तारत असलेला पोर्टफोलिओ लक्षात घेऊन हा नवीन लोगो तयार करण्यात आला आहे. ‘हा नवीन ब्रँड आमच्या ५५ वर्षांच्या प्रवासातील एक निर्णायक क्षण आहे. हे आमची नावीन्यपूर्ण वृत्ती, शाश्वतता आणि ग्राहक-केंद्रित दृष्टिकोनाचे प्रतीक आहे. आम्ही आजवर कमावलेला विश्वास, ताकद आणि व्याप्ती या नवीन ओळखीमध्ये सामावलेली आहे. याशिवाय पुढच्या पिढीचे नेतृत्व कंपनीला पुढे नेण्यासाठी सज्ज होत असताना, ही नवी ओळख आमची भविष्यातील दिशा अधिक स्पष्ट करते,’ अशी माहिती ‘सोमानी सिरॅमिक्स’चे एमडी आणि सीईओ अभिषेक सोमानी यांनी दिली.
नवीन लोगोमध्ये आधुनिक जागेतील प्रवाहीपणा दर्शवण्यासाठी मृदू आणि वळणदार रेषांचा (कर्व्ह) वापर करण्यात आला आहे. हा लोगो आता अधिक लवचीक आणि वास्तुशिल्पीय स्वरूपात सादर झाला आहे. लोगोमधील गडद लाल रंग ऊर्जा आणि व्याप्ती दर्शवतो. निळ्या रंगाचा बाण प्रगतीची दिशा आणि वेग दर्शवतो. ही रंगसंगती आत्मविश्वासपूर्ण आणि आधुनिक आहे. नवीन ब्रँड ओळखीनुसार ‘सोमानी’ या शब्दातील प्रत्येक अक्षराला विशेष अर्थ देण्यात आला आहे. स्केल, ओरिजिनॅलिटी, मोमेंटम, अशुरन्स, न्यू हॉरीझॉन्स आणि यंग.
ही नवीन ब्रँड ओळख आता रिटेल स्टोअर, पॅकेजिंग, जाहिराती आणि डिजिटल प्लॅटफॉर्मवर सर्वत्र कार्यान्वित केली जाईल. त्यामुळे ग्राहकांसह वास्तुविशारद आणि डिझायनर्सना दर्जेदार अनुभव मिळेल.
टिप्पणियाँ
एक टिप्पणी भेजें