मुंबई। किया इंडिया या देशातील आघाडीच्या मास-प्रीमियम कार उत्पादक कंपनीने अहमदाबादमधील चांदखेडा येथे आपल्या ५००व्या सर्व्हिस वर्कशॉपच्या उद्घाटनाची घोषणा केली. या टप्प्यामधून कंपनीची ग्राहकांना प्राधान्य देण्याप्रती अतूट कटिबद्धता दिसून येते. तसेच, हे पाऊल देशभरातील १.५ दशलक्षहून अधिक ग्राहकांच्या वाढत्या संख्येसाठी मजबूत आणि भविष्यवेधी विक्रीपश्चात्त परिसंस्थेला प्रबळ करते.
५००व्या वर्कशॉपचा हा टप्पा नेटवर्कचा विस्तार दाखवण्यासोबत विनासायास, पारदर्शक आणि सोयीस्कर मालकीचा अनुभव देण्यावर किया इंडियाचा असलेला सातत्यपूर्ण भर अधोरेखित करतो. 'मूव्हमेंट दॅट इन्स्पायर्स' या मूळ तत्त्वावर आधारित कंपनी आपल्या पायाभूत सुविधा, तंत्रज्ञान आणि सेवा क्षमतांमध्ये सातत्याने गुंतवणूक करत आहे, ज्यामुळे ग्राहकांशी होणारा प्रत्येक संवाद विश्वास, कार्यक्षमता आणि सुलभतेने परिपूर्ण असेल.
अहमदाबादमधील चांदखेडा येथे नुकतेच उद्घाटन झालेले वेस्ट कोस्ट वर्कशॉप हे कियाचे भारतातील सर्वात मोठे वर्कशॉप आहे, ज्यामधून कंपनीची विस्तार आणि सेवा उत्कृष्टतेप्रती असलेली कटिबद्धता दिसून येते. ७६,०६९ चौरस फूट (ज्यापैकी ४१,६४० चौरस फूट क्षेत्र आच्छादित आहे) जागेवर पसरलेले हे अत्याधुनिक वर्कशॉप उच्च कार्यक्षमता आणि जलद सेवेसाठी डिझाइन करण्यात आले आहे. या केंद्रामध्ये ५७ सर्व्हिस बे उपलब्ध आहेत, ज्यामध्ये धुणे आणि साफसफाईसाठीच्या ८ स्वतंत्र विभागांचा समावेश आहे. तसेच, वाहनांच्या सुलभ हालचालीसाठी १०० पार्किंग बे तयार करण्यात आले आहेत. ९० प्रशिक्षित व्यावसायिकांच्या टीमसह हे केंद्र वार्षिक ४०,००० वाहनांची सर्व्हिसिंग करण्याची क्षमता ठेवते, ज्यामुळे या क्षेत्रातील ग्राहकांसाठी सेवा अधिक सुलभ होणार आहे.
वेस्ट कोस्ट किया हा देशातील सर्वाधिक पुरस्कार मिळवणारा, तसेच अहमदाबाद, गांधीनगर व हिंमतनगरमध्ये प्रबळ उपस्थिती असलेला कियाचा भारतातील तिसरा सर्वात मोठा डीलर समूह आहे.
या महत्त्वाच्या टप्प्याबाबत मत व्यक्त करत किया इंडियाचे मॅनेजिंग डायरेक्टर आणि सीईओ ग्वांगु ली म्हणाले, "आमच्या ५०० व्या सर्व्हिस वर्कशॉपचे उद्घाटन हा अभिमानास्पद टप्पा आहे, ज्यामधून आमचा ग्राहक-केंद्रित दृष्टिकोन दिसून येतो. ही उपलब्धी फक्त नेटवर्कच्या विस्तारापुरती मर्यादित नाही, तर प्रत्येक किया ग्राहकाला त्यांच्या कार मालकीच्या प्रवासात सोयीस्कर सेवा, पारदर्शकता आणि विश्वासाचा अनुभव मिळेल याची खात्री देणारी आहे. आम्ही आमच्या नेटवर्कचा विस्तार करत असताना आमचे भविष्यासाठी सज्ज, शाश्वत आणि डिजिटल तंत्रज्ञानावर आधारित विक्रीपश्चात्त परिसंस्था प्रदान करण्यावर लक्ष केंद्रित आहे."
किया इंडियाने आता ३९१ शहरांमध्ये ८०० सेवा केंद्रांपर्यंत (मोबाईल टचपॉईंट्ससह) आपली उपस्थिती वाढवली आहे, हे देशातील सर्वात व्यापक विक्रीपश्चात्त नेटवर्क बनले आहे. ५००व्या वर्कशॉपच्या या टप्प्यामुळे कियाची उपस्थिती विशेषतः अशा बाजारपेठांमध्ये अधिक मजबूत झाली आहे, जिथे आधी ब्रँडचे प्रतिनिधीत्व नव्हते, ज्यामुळे हा ब्रँड ग्राहकांच्या अधिक जवळ पोहोचला आहे.
टिप्पणियाँ
एक टिप्पणी भेजें