मुंबई। सॅमसंग इंडियाचा 'शो देम हाऊ इट्स डन #विथगॅलॅक्सी' उपक्रम हायब इंडियासोबत सहयोगाने प्रतिभावान मुलींना ऑडिशन्सच्या माध्यमातून त्यांच्या कलागुणांचे सादरीकरण करण्यासाठी देशव्यापी व्यासपीठ उपलब्ध करून देऊन सक्षम करत आहे.
या मोहिमेचा भाग म्हणून, सॅमसंग इंडिया १० शहरांमध्ये गॅलेक्सी ऑडिशन स्टुडिओज लाँच करणार आहे. या अंतर्गत निवडक सॅमसंग एक्सपिरियन्स स्टोअर्सचे रूपांतर ऑडिशन आणि कंटेंट निर्मितीच्या केंद्रांमध्ये केले जाईल. या स्टुडिओंमध्ये प्रत्येक शहरातील ऑडिशनच्या पहिल्या दिवशी नामांकित क्रिएटर्सच्या मार्गदर्शनाखाली मास्टरक्लासेस आयोजित केले जातील, ज्यामुळे सहभागी मुलींना सादरीकरण करण्यास, नवनवीन कंटेंट तयार करण्यास आणि त्यांच्या यशोगाथा जगासमोर मांडण्यास प्रेरणा मिळेल.
"या उपक्रमाच्या केंद्रस्थानी एक साधा पण महत्त्वाचा विश्वास आहे, तो म्हणजे भारतातील प्रत्येक तरुणीमध्ये मोठी स्वप्ने पाहण्याचा आत्मविश्वास असायला हवा आणि तिला जागतिक स्तरावर आपली ओळख निर्माण करण्यासाठी योग्य व्यासपीठ मिळायला पाहिजे. हायब इंडियासोबत आमचा सहयोग प्रगतीसाठी सज्ज असलेल्या पिढीला अर्थपूर्ण संधी उपलब्ध करून देऊन हा विश्वास सत्यात उतरवण्याप्रती कटिबद्धता आहे," असे सॅमसंग इंडियाच्या एमएक्स बिझनेसचे उपाध्यक्ष आदित्य बब्बर म्हणाले.
प्रमुख शहरांमध्ये गॅलेक्सी ऑडिशन स्टुडिओज आणि क्रिएटर्सच्या मार्गदर्शनाखाली होणाऱ्या वर्कशॉप्सपैकी मुंबईतील सॅमसंग बीकेसी स्टोअर येथे मास्टरक्लास २ मेपासून सुरू होऊन १० मेपर्यंत चालणार आहे. तर पुण्यातील सॅमसंग एक्सपिरियन्स स्टोअर, फिनिक्स मार्केटसिटी येथे ही वर्कशॉप्स ९ मेपासून सुरू होऊन १७ मेपर्यंत आयोजित करण्यात येणार आहेत.
या उपक्रमाचा भाग म्हणून, सॅमसंग इंडिया सहा मोठ्या शहरांमधील हायब इंडियाच्या सर्व पॉप-अप पार्क्समध्ये #विथगॅलॅक्सी एक्सपिरियन्स झोन्स सुरू करणार आहे. या पार्क्सची सुरुवात २ मे रोजी गुवाहाटी येथून होणार आहे. अधिकाधिक व्यक्तींनी कंटेंट शेअर करावा, वापरकर्त्यांनी स्वतः कंटेंट तयार करावेत आणि अभ्यागतांना गॅलेक्सी एस२६ अल्ट्राचा प्रत्यक्ष अनुभव घेता यावा, या उद्देशाने हे पार्क्स डिझाइन करण्यात आले आहेत.
या मोहिमेत #wविथगॅलॅक्सी एस२६ अल्ट्राच्या माध्यमातून चित्रित केलेल्या तीन जाहिरातींचा देखील समावेश आहे. या जाहिराती हायब इंडियासोबत सहयोगाने क्रिएट करण्यात आल्या आहेत, त्यामध्ये सहभागी स्पर्धकांचा अंतिम ऑडिशनपर्यंतचा प्रवास टिपण्यात आला आहे.
टिप्पणियाँ
एक टिप्पणी भेजें