मुंबई। फेडएक्स (फेडरल एक्सप्रेस कॉर्पोरेशन), जगातील अग्रगण्य एक्सप्रेस ट्रान्सपोर्टेशन कंपनी, हिने चेन्नई सुपर किंग्स (सीएसके) सोबत भागीदारी करत “फेडएक्स. द मूव्ह इंडिया नीड्स” या डिजिटल ब्रँड कॅम्पेनची घोषणा केली आहे. या कॅम्पेनअंतर्गत तीन डिजिटल फिल्म्स सादर करण्यात आल्या असून त्यामध्ये सीएसके चे स्टार खेळाडू महेंद्रसिंह धोनी, रुतुराज गायकवाड आणि उर्विल पटेल प्रमुख भूमिकेत झळकणार आहेत. फेडएक्स–सीएसके सहकार्याचा हा सलग दुसरा वर्ष असून, मागील वर्षातील यशस्वी उपक्रमाचा विस्तार म्हणून हा कॅम्पेन पुढे नेण्यात आला आहे.
भारतामध्ये क्रिकेट हे केवळ खेळ नसून ते संस्कृती, व्यापार आणि समुदाय यांना जोडणारे प्रभावी माध्यम आहे. या पार्श्वभूमीवर “फेडएक्स. द मूव्ह इंडिया नीड्स” कॅम्पेन फेडएक्सकडून विविध व्यवसायांच्या गरजांसाठी पुरविण्यात येणाऱ्या सर्वसमावेशक ‘एंड-टू-एंड’ लॉजिस्टिक्स सोल्यूशन्सची प्रभावी मांडणी करते. क्रिकेटच्या संदर्भातून प्रेरणा घेत, या कॅम्पेनमध्ये फेडएक्सला ‘ऑल-राऊंडर’ म्हणून सादर करण्यात आले आहे—ज्यात चपळता, विश्वासार्हता आणि विशेष कौशल्य यांचा संगम आहे. ऑटोमोबाईल, हेल्थकेअर आणि प्रीमियम ई-कॉमर्ससारख्या महत्त्वाच्या क्षेत्रांमध्ये फेडएक्स व्यवसायांना अमेरिकाज, युरोप आणि आशियातील प्रमुख व्यापार मार्गांशी सहजपणे जोडण्यास सक्षम करते. सीएसके खेळाडूंच्या माध्यमातून हा कॅम्पेन भारतीय व्यवसायांना जागतिक बाजारपेठेशी जोडण्याची सुलभता अधोरेखित करतो.
फेडएक्स (एमइआयएसए क्षेत्र)चे मार्केटिंग, कस्टमर एक्स्पीरियन्स आणि एअर नेटवर्कचे उपाध्यक्ष नितीन नवनीत ताटीवाला म्हणाले, “फेडएक्स जटिल लॉजिस्टिक्स प्रक्रियांना सुलभ करण्यासाठी बांधील आहे, ज्यामुळे व्यवसायांना त्यांच्या मूळ कामावर लक्ष केंद्रित करता येते. चेन्नई सुपर किंग्ससोबतचे आमचे सातत्यपूर्ण सहकार्य या दृष्टीकोनाचे प्रतिबिंब आहे. आमच्या सर्वसमावेशक उपाययोजनांद्वारे आम्ही वस्तूंची जलद, स्मार्ट आणि विश्वासार्ह हालचाल सुनिश्चित करतो, ज्यामुळे व्यवसाय अधिक चपळ आणि स्पर्धात्मक बनतात.”
चेन्नई सुपर किंग्सचे व्यवस्थापकीय संचालक के. एस. विश्वनाथन म्हणाले, “फेडएक्ससोबतची आमची भागीदारी दुसऱ्या वर्षीही पुढे चालू ठेवताना आम्हाला अत्यंत आनंद होत आहे. ‘द मूव्ह इंडिया नीड्स’ हा कॅम्पेन प्रगती, सातत्य आणि पुढे जाण्याच्या भावनेचे प्रतीक आहे, जो आमच्या संघ आणि चाहत्यांशी दृढपणे जोडलेला आहे. आगामी हंगामांमध्ये या यशस्वी सहकार्याला अधिक बळ देण्याची आम्ही उत्सुकता बाळगतो.”
या डिजिटल फिल्म्स सोशल मीडिया तसेच विविध डिजिटल प्लॅटफॉर्म्सवर प्रदर्शित करण्यात आल्या असून, त्या देशभरातील क्रिकेटप्रेमी, उद्योग क्षेत्रातील नेते आणि उद्योजकांपर्यंत पोहोचतील. इच्छुक प्रेक्षक या फिल्म्स ऑनलाइन प्लॅटफॉर्म्सवर पाहू शकतात.
टिप्पणियाँ
एक टिप्पणी भेजें