मुंबई। किया इंडिया या आघाडीच्या मास-प्रीमियम ऑटोमेकर कंपनीने देशात १,००,००० हून अधिक पेड किया कनेक्ट नूतनीकरणाचा टप्पा ओलांडल्याचे जाहीर केले आहे. कंपनीने कनेक्टेड कार सबस्क्रिप्शनच्या बाबतीत ३० टक्क्यांपेक्षा जास्त रिटेंशन (ग्राहक टिकवून ठेवण्याचे प्रमाण) नोंदवले आहे. या महत्त्वपूर्ण टप्प्यामधून कियाच्या इंटेलिजेंट मोबिलिटी परिसंस्थेप्रती ग्राहकांचा वाढता कल आणि निरंतर सहभाग दिसून येतो. विशेष म्हणजे, सुरुवातीच्या तीन वर्षांच्या मोफत सबस्क्रिप्शन कालावधीनंतरही ग्राहकांनी या सेवेला पसंती दिली आहे. जागतिक स्तरावर, कियाने जवळपास ९७ टक्क्यांपेक्षा अधिक नोंदणी दर राखला आहे, ज्यामधून ग्राहकांमध्ये कनेक्टेड तंत्रज्ञानाची वाढती गरज दिसून येते.
हे यश कियाच्या कनेक्टेड परिसंस्थेचे दीर्घकालीन मूल्य आणि ग्राहक निष्ठा अधोरेखित करते. नूतनीकरणाचा हा वाढता ओघ स्पष्ट बदलाचे संकेत देतो, ते म्हणजे ग्राहक आता केवळ सुरुवातीचा वापर न करता कनेक्टेड तंत्रज्ञानाला त्यांच्या दैनंदिन ड्रायव्हिंग अनुभवाचा अविभाज्य भाग बनवत आहेत.
या टप्प्याबाबत मत व्यक्त करत सेल्स अँड मार्केटिंगचे वरिष्ठ उपाध्यक्ष अतुल सूद म्हणाले, ''एक लाख किया कनेक्ट सबस्क्रिप्शन नूतनीकरणाचा टप्पा पार करण्यामधून ग्राहकांचा आमच्या कनेक्टेड मोबिलिटी परिसंस्थेवर वाढता विश्वास दिसून येतो. पूरक कालावधीव्यतिरिक्त सतत अवलंबनामधून आम्ही अधिक सोयीसुविधा, सुरक्षितता व नियंत्रणाच्या माध्यमातून देत असलेले दैनंदिन मूल्य निदर्शनास येते. आम्ही स्मार्ट, अधिक कनेक्टेड ड्रायव्हिंग अनुभवासाठी आमचे डिजिटल प्लॅटफॉर्म्स प्रगत करण्याप्रती कटिबद्ध आहोत.''
२०१९ मध्ये यूव्हीओ म्हणून लाँच करण्यात आलेला हा प्लॅटफॉर्म आता किया कनेक्ट म्हणून ओळखला जातो. यासह किया इंडिया देशातील कनेक्टेड कार उत्क्रांतीमध्ये अग्रस्थानी राहिली आहे. गेल्या काही वर्षांमध्ये प्लॅटफॉर्म विविध नाविन्यतांच्या माध्यमातून अधिक विकसित झाला आहे, जसे स्मार्टवॉच कनेक्टीव्हीटी, वॉईस असिस्टण्ट इंटीग्रेशन (अॅलेक्सा), ओव्हर-द-एअर (ओटीए) अपेडट्स, सराऊंड व्ह्यू मॉनिटर (एसव्हीएम), किया कनेक्ट सबस्क्रिप्शन आणि नवीन किया कनेक्ट २.०. ही सर्व वैशिष्ट्ये सर्वसमावेशक व भविष्याकरिता सुसज्ज डिजिटल परिसंस्था देतात.
आज, किया कनेक्टने मुलभूत मालकीहक्कामध्ये सर्वोत्तम वैशिष्ट्यांची भर करत परिवर्तन घडवून आणले आहे, जेथे नेव्हिगेशन, रिमोट कंट्रोल, कन्वीनियन्स, वेईकल मॅनेजमेंट आणि सेफ्टी अँड सिक्युरिटी या पाच प्रमुख आधारस्तंभांमध्ये १०० हून अधिक वैशिष्ट्ये देत आहे. प्रगत तंत्रज्ञान, जसे कनेक्टेड कार नेव्हिगेशन कॉकपीट (सीसीएनसी), डिजिटल की, ओटीए सॉफ्टवेअर अपडेट्ससह किया रिमोट डायग्नोस्टिक्स, सराऊंड व्ह्यू मॉनिटरिंग आणि बहुभाषी वॉईस रेकग्निशन विनासायास, सुरक्षित आणि उत्साहवर्धक ड्रायव्हिंग अनुभव देतात.
नूतनीकरणाचा हा कल ग्राहकांना दररोज मिळणाऱ्या प्रत्यक्ष फायद्यांमुळे दिसून येत आहे. यामध्ये रिमोट वेईकल अॅक्सेस, रिअल-टाइम डायग्नोस्टिक्स, प्रगत सुरक्षा, प्रेडिक्टिव्ह अलर्ट्स आणि एकूण सोयीसुविधांचा समावेश आहे. या क्षमतांमुळे अधिक मन:शांती मिळते, तसेच किया कनेक्ट आधुनिक प्रवासाच्या गरजांसाठी अपरिहार्य साधन बनले आहे.
किया इंडिया शाश्वत ड्रायव्हिंगला प्रोत्साहन देणारा उपक्रम ड्राइव्ह ग्रीन आणि किया इन्स्पायरिंग ड्राइव्ह (के.आय.डी.) सारख्या उपक्रमांच्या माध्यमातून ग्राहकांशी असलेले नाते अधिक दृढ करत आहे. हे उपक्रम खास अनुभवांच्या माध्यमातून ग्राहकांमधील ब्रँडबद्दलची ओढ आणि परस्पर संवाद वाढवण्यास मदत करतात.
टिप्पणियाँ
एक टिप्पणी भेजें