'स्लोविक'च्या ब्रँड अॅम्बेसेडरपदी टायगर श्रॉफ यांची नियुक्ती

ब्रँडद्वारे ‘स्लोविक: जिम घर लाओ’ मोहिमेची सुरुवात 

मुंबई। भारतातील अग्रगण्य फिटनेस गिअर आणि स्पोर्टिंग गुड्स ब्रँड स्लोविक (SLOVIC) ने अभिनेता आणि फिटनेस आयकॉन टायगर श्रॉफ यांची ब्रँड अॅम्बेसेडर म्हणून नियुक्ती जाहीर केली आहे. या भागीदारीनिमित्त ‘स्लोविक: जिम घर लाओ’ ही नवीन मोहिमही सादर करण्यात आली आहे. जीवनशैलीमुळे जिमला जाणे अवघड होत असल्यास, ‘जिमच घरात आणा’ या संकल्पनेवर ही मोहीम आधारित आहे.

या मोहिमेद्वारे स्लोविकचा मूलभूत विश्वास अधोरेखित होतो की फिटनेस हा वेळ, ठिकाण किंवा उपलब्धतेच्या मर्यादांमध्ये अडकलेला नसावा. तो सोपा, लवचिक आणि प्रत्येकाच्या आवाक्यात असावा. पुल-अप बार्स, रेसिस्टन्स बँड्स व ट्यूब्स, डंबेल्स, अ‍ॅडजस्टेबल डंबेल्स, योगा मॅट्स आणि इतर उपयुक्त फिटनेस साधनांच्या विस्तृत श्रेणीद्वारे स्लोविक लोकांचे दैनंदिन जीवन अधिक सुलभ करत, फिटनेस सर्वांसाठी उपलब्ध करण्याच्या दिशेने काम करत आहे.

स्लोविक हा वयोगट आणि लिंगभेद न करता सर्वांसाठी उपयुक्त असा ब्रँड म्हणून उभा राहिला आहे. लहान मुलांपासून ते तरुण, व्यस्त व्यावसायिक आणि ५० वर्षांवरील ग्राहक या सर्वांसाठी हा ब्रँड उपयुक्त आहे. किफायतशीर किंमतीत साध्या उत्पादनांद्वारे फिटनेसची सुरुवात करता येणे हीच या मोहिमेची मध्यवर्ती कल्पना आहे.

या संदर्भात टायगर श्रॉफ म्हणाले, “फिटनेस माझ्यासाठी नेहमीच जीवनशैलीचा भाग राहिला आहे. त्यामुळे स्लोविकसोबत ब्रँड अॅम्बेसेडर म्हणून जोडले जाणे हे नैसर्गिक वाटते. फिटनेस अधिक सोपा, सुलभ आणि दैनंदिन जीवनाचा भाग बनवण्याच्या ब्रँडच्या दृष्टिकोनाशी मी पूर्णपणे जोडलेलो आहे.”

स्लोविकचे सह-संस्थापक अकिब मोहम्मद म्हणाले, “टायगर श्रॉफ यांचे ब्रँड अॅम्बेसेडर म्हणून आगमन हे स्लोविकच्या पुढील वाटचालीचे प्रतीक आहे. आमच्यासाठी केवळ उपकरणे विकणे हे उद्दिष्ट नाही, तर भारतीयांच्या जीवनात फिटनेस कसा बसतो याचा पुनर्विचार करणे महत्त्वाचे आहे. एखादी व्यक्ती फक्त ५०० रुपयांपासून डंबेल्स, रेसिस्टन्स बँड्स किंवा स्किपिंग रोपसारख्या साधनांनी घरातूनच फिटनेसची सुरुवात करू शकते. यामुळे फिटनेस अधिक सुलभ आणि सातत्यपूर्ण बनतो. ‘जिम घर लाओ’ ही संकल्पना याच विचारातून आली आहे.”

ही मोहीम डिजिटल प्लॅटफॉर्म्सवर विविध फिल्म्स आणि कंटेंटद्वारे राबवली जाणार असून, ‘कधीही, कुठेही ट्रेनिंग’ या संकल्पनेवर भर दिला जाईल.

सह-संस्थापक शाश्वत दीश म्हणाले, “स्लोविकचा उद्देश फिटनेसमधील अडथळे दूर करणे हा आहे. आमची उत्पादने व्यावहारिक, उच्च-गुणवत्तेची आणि दैनंदिन वापरासाठी योग्य आहेत. टायगर श्रॉफ यांच्या सहभागामुळे हा संदेश अधिक प्रभावी आणि प्रेरणादायी पद्धतीने लोकांपर्यंत पोहोचेल.”

अमेझॉन, फ्लिपकार्ट, ब्लिंकिट, झेप्टो आणि इंस्टामार्ट यांसारख्या अग्रगण्य ई-कॉमर्स आणि क्विक-कॉमर्स प्लॅटफॉर्म्सवर उपलब्ध असलेल्या स्लोविक उत्पादनांमुळे ग्राहकांना आता फिटनेसची सुरुवात करणे पूर्वीपेक्षा अधिक सोपे झाले आहे.

या उपक्रमाची वेळही महत्त्वाची आहे. जागतिक आरोग्य संघटनेच्या माहितीनुसार, २०२२ मध्ये भारतातील ४९.४% प्रौढ व्यक्ती शारीरिकदृष्ट्या पुरेशा सक्रिय नव्हत्या. तसेच डेलॉइट इंडिया आणि एचएफए यांच्या अहवालानुसार, २०२४ मध्ये भारतातील फिटनेस सुविधा सदस्यत्व केवळ ०.८% इतके होते, ज्यातील ५६% महसूल टॉप १० शहरांमधून येतो—यातून मेट्रो शहरांबाहेरील मोठ्या संधी स्पष्ट होतात.